Го одбила договорениот брак, затоа што потенцијалниот сопруг не го сакал нејзиното куче

Договорените бракови се сè уште реалност во одредени делови во светот, а Индија не е исклучок. Тие речиси никогаш не се пријатно искуство, но овој договорен брак пропаднал уште пред и да се случи.

Karishma Walia која живее во Њу Делхи открила дека нејзиниот потенцијален сопруг не го сака нејзиното куче и тоа претставува пречка за нивното стапување во брак. Токму затоа, таа храбро го одбила договорениот брак.

„Да се има куче дефинитивно не е привремена фаза. Не можам да си го напуштам кучето за никого“, напишала Walia во разговорот, иако момчето се обидувало да ја предомисли да се откаже од своето милениче, со цел да основаат брачна заедница.

Откако девојката го постирала разговорот добила илјадници пораки за поддршка, бидејќи не се откажала од љубовта кон своето кученце Луси.

Погледнете како изгледал разговорот за несудениот брак:

„- Еј, очекував некаков одговор, дури и моите родители прашуваат. Што да кажам?

- Мислев дека разговаравме за ова. Кучето очигледно ќе биде проблем... Па!

- Хм, можеме ли да пронајдеме решение за ова? Не сакам куче да заврши помеѓу мене и мојот љубовен живот и да не го делиме истиот кревет... тоа е сигурно... А мојата мајка генерално не сака кучиња.

- Токму затоа ти кажувам дека врската нема да успее.

- Дали си сериозна? Боже...“

И покрај притисокот на родителите, девојката сепак не попуштила, останувајќи со своето куче покрај себе.

(О)Милена | Црнобело