Како да го надминете стравот од одбивање?

Луѓето се плашат, можеби повеќе од било што друго, да бидат одбиени од страна на другите.

Овој страв е широко распространет меѓу луѓето, но зошто е толку длабоко вкоренет во нас?

Во древните времиња во племенските заедници одбивање од заедницата можело да значи смрт. Затоа не е ни чудно зошто и ден денес сите сакаат да бидат прифатени од другите.

Сфатете дека стравот не е вашиот вистински непријател

Овој вид на размислување често ги убива можностите во односите. На пример, доколку погрешно верувате дека една група на луѓе ќе ве одбие, ќе станете нервозни, а можеби и непријателски настроени кон нив. Конечно, вашето однесување ќе доведе до одбивање. Заземете став. Наместо да му дозволите на стравот да управува со вас.

Оставете го вашето „ова е крајот на светот" размислување

Сите варијации на стравот, вклучувајќи го и стравот од одбивање, се базираат на „ова е крајот на светот" размислување. Со други зборови, нашите емоции не убедуваат дека непосакуваните резултати доведуваат до уништување.

Што ако не им се допаѓам? Што ако ме одбијат? Што ако не се вклопам?

Ниту една од овие работи не резултира со „ова е крајот на светот", но ако сте убедени дека токму тоа ќе се случи потсвесно ќе им дадете сила на вашите стравови и ќе им дозволите да ве контролираат. Луѓето во поголемиот дел од времето одбегнуваат свесно да размислуваат за проблемите, што само ги зацврстува нивните потсвесни стравови.

Запрашајте се што всушност значи „одбивање“

Ако J.K. Роулинг се откажала веднаш кога била одбиена од страна на повеќе издавачи денес немаше да го имаме Хари Потер.

Едно е сигурно: Ако им придавате премногу моќ на мислењата на другите, ќе станете нивниот затвореник. Никогаш не дозволувајте некој да го промени вашето мислење. Никогаш не го жртвувајте тоа што сте, или тоа што сакате да бидете само бидејќи некој друг има проблем со тоа. Никој ја немаа таа моќ да ве натера да се чувствувате мали и неважни, доколку не им ја дадете таа моќ вие самите.

Откажете се од вашата потреба секогаш да бидете во право

Причината зошто е толку силен вашиот страв од одбивање потекнува од вас, бидејќи еден дел од вас верува дека секогаш сте во право. Ако вашата перцепција е секогаш толку точна, зошто правите толку многу грешки?

Научете да уживате во својата индивидуалност

Ако постојано барате одобрување од другите луѓе, тоа значи сте загрижени дека другите ќе формираат негативни предрасуди кон вас. Ова ја уништува забавата, оригиналноста и спонтаноста во нашите животи. Ако сте доволно среќни да имате нешто што ве прави поразлични од другите, не се срамете од тоа. Уникатноста е бесценета.

Во овој луд свет во кој сите се обидуваат да бидат како сите други, пронајдете храброст да бидете оригинални. Доколку другите луѓе ви се смеат бидејќи сте различни, вие секогаш можете да им се смеете на нив, бидејќи се исти.

М. А. | Црнобело