Кој го создал Калашников?

Михаил Калашников творецот на познатата пушка AK-47, наполни 90 години. Калашников, некогашен војник во црвената армија, за инспирација...

 

...на својот изум бил фактот што бил ранет во 1941 година.

Иако првите обиди му биле безуспешни, тој сепак добил работа во одделението за развој на наоружувањето и до 1947 година го усовршувал своето ремек дело.

Од тогаш AK-47 или популарниот Калашников станала најпозната и најраспространета пушка во историјата. Оваа пушка која се наоѓа на знамето на Мозамбик, ја користат 50 армии ширум светот како и огромен број на герилски движења.

Сепак иако од оваа пушка се продадени преку 100 милиони примероци нејзиниот творец тврди дека не се збогатил и само прима државна пензија.

Создавачот на оваа пушка иако направил ремек дело не е задоволен од нејзината разрушувачка моќ, и е многу тажен што најмногу оваа пушка ја користат терористите.

Тој сепак на крајот говори дека посреќен би бил доколку создал некоја машина која ќе им користи на луѓето како што е косилката за трева.