Едноставни Рафаело топчиња со пудинг

Стандардниот рецепт за Рафаело топчиња не содржи крем од пудинг, но сепак и оваа модификација на неодоливите бели бомбици е неверојатно вкусна. Задоволството е речиси исто, за многу помалку време и вложен труд.

Состојки:

• 2 пудинзи од ванила
• 120 гр путер
• 5-6 лажици шеќер
• Половина литар млеко
• Лешници
• Брашно од кокос

Подготовка:

Во поголем сад за готвење, на тивок оган ставете ги двете кесички пудинг, додајте шеќер и полека мешајте. Потоа, истурете го половината литар млеко и путерот и чекајте додека не се растопи.

Сите состојки мешајте ги пет минути. Смесата треба да е доволно густа за да можете да формирате топчиња.

Оставете ја смесата нека се олади во фрижидер околу 2 часа.

На крај, извадете ја изладената смеса и правете мали топчиња во кои ќе вметнете по еден лешник, а потоа ќе ги извалкате во кокос.

Доколку сакате да ги комбинирате со малку чоколадо, нема да погрешите ако покрај во кокос, ги извалкате и во топена чоколада.

Уживајте!