Работи што ги прават луѓето кои живеат сами (а на другите може да им се чудни)

„Учам кореографии на омилените песни, а потоа им ги покажувам на кучето и двете мачки. Но, ми изгледa како да не го ценат мојот труд“.

Само оние кои живееле сами знаат каква слобода може да значи тоа.

Кога целиот дом е само ваш, можете да го декорирате како сакате и можете да правите што сакате, во кое било време.

А, бидејќи знаете дека никој нема да ве види и осудува, некогаш можеби ќе направите и по некоја чудна работа.

На Редит неколку луѓе кои живеат сами ги споделуваат најчудните работи што ги прават:

„Си го облекувам најраскошниот фустан, пијам вино и редам сложувалка додека слушам поткасти за убиства. Секоја девојка заслужува бал…“

„Спијам во шатор во спалната. Дури по пет години живеење сам, сфатив дека можам да правам што и да посакам, дури и да спијам во шатор“.

„Многу сакам кога ќе си пуштам гласна музика, ќе си ги облечам чизмите со платформа и почнувам да чистам“.

„Некогаш, кога ми е здодевно, на глас раскажувам што правам, како во документарец со Дејвид Атенборо“.

„Гола сум 24/7, освен ако не треба да ми дојдат гости“.

„Скоро цел ден му пеам на моето куче“.

„Си правам соло караоке ноќи – купувам грицки, правам коктели и се преправам дека сум во караоке бар“.

„Учам кореографии на омилените песни, а потоа им ги покажувам на кучето и двете мачки. Но, ми изгледa како да не го ценат мојот труд“.

„Си разговарам сам со себе“.

„Спијам со 15 огромни перници“.

„Не се сеќавам кога последен пат сум ја затворил вратата кога сум одел во тоалет“.

„Јадам пред фрижидер или над мијалникот за да не валкам садови“.

Спирова С. | Црнобело