Во светот на кенгурите

Едни од најинтересните животни- торбари во светот се кенгурите кои се специфични за последниот откриен континент, Австралија, каде ги има во огромен број.

Овие интересни животни одат, односно скокаат на две нозе, додека предните им се резервирани за удирање, во зависност од потребата. Тие растат до 2 метри висина, а најпознати се по тоа што ги носат своите малечки во торба.

Благодарение на нивните големи стапала тие можат да имаат скок и до 10 метри и да развијат брзина од 50 км/ч.

Кенгурите живеат во групи од 50 или повеќе животни, а за одбрана главно ги користат предните нозе со кои задаваат многу силни удари, но многу ретко и касаат.

Има повеќе од 50 видови на кенгури, но најпознати и најбројни се црвените и сивите кенгури.