Брат му на Доналд Трамп и уште 4 богати наследници кои завршија неславно и трагично

Брат му на Доналд Трамп, син му на Џон Ф. Кенеди, но и синот на основачот на хотелите Хилтон се луѓе кои се родиле во богати и моќни семејства, но сепак завршиле трагично.

Секој од нас има помислено дека кога би се родиле во богато и моќно семејство, животот би ни бил совршен.

Во некои ситуации, ова е вистина и богатите наследници умеат паметно да ги искористат парите и влијанието на нивните семејства.

Но неретко, богатите наследници завршуваат трагично, и покрај тоа што ги имале „сите пари на светот“.

Пет богати наследници чии животи завршија со трагедија:

Фред Трамп Џуниор

Фред Трамп Џуниор е постариот брат на Доналд Трамп и првично тој требало да го наследи богатството на татко им.

Додека татко му сакал да се посвети на семејниот бизнис, Фред сонувал да стане пилот и си ја исполнил желбата. Но, поради оваа одлука, го влошил односот со татко му и по некое време се свртел кон алкохолот.

До раните 1970-ти, алкохолизмот веќе имал влијание врз секој аспект од неговиот живот, особено кариерата.

Кога веќе не бил во можност да работи како пилот, сепак почнал да се ангажира во фирмата на татко му, заедно со брат му Доналд.

Неговите проблеми со алкохолизмот не завршиле овде, па поради пиењето му се растурил и бракот.

По разводот, се преселил во домот на родителите, продолжил со пиењето, за во 1981-ва да почине од инфаркт кој во голема мера бил предизвикан од алкохолизмот.

Конрад „Ники“ Хилтон Џуниор

Конрад е најстариот син на основачот на хотелите Хилтон, што значи се очекувало да го наследи семејниот бизнис, а со тоа и огромното богатство.

Но, решил да се отпише од факултет за да ѝ се приклучи на американската воена морнарица. Потоа се запишал на училиште за хотелиерство во Швајцарија, но бил суспендиран по само шест месеци.

Во меѓувреме, Конрад стекнал репутација на женкар и извесен период бил во брак и со Елизабет Тејлор.

Се коцкал, пиел, станал зависен од хероин, а бил и насилен – во една пригода ја удрил актерката во стомакот поради што таа доживеала спонтан абортус.

По разводот со Елизабет, тој се венчал со друга жена, која како него била богата наследничка.

Но, проблематичното однесување на Конрад не само што не прекинало, туку тој стекнал и нова зависност, овојпат од лекови за спиење.

И втората сопруга го оставила, а две години подоцна, на 42-годишна возраст, Конрад починал од инфаркт.

Продолжува на следната страница...