Зошто не можете да ги видите ѕвездите додека летате со авион?

Дали и вие сте од оние патници кои зјапаат од прозорецот на авионот кон небото? Убаво е да се добие сосема нова перспектива за светот на овој начин, зарем не? Но, дали некогаш сте ги виделе ѕвездите?

zoshto-ne-mozhete-da-gi-vidite-dzvezdite-dodeka-letate-so-avion-01.jpg

Голем дел од нас не заспиваат во авион, поради тоа што сакаат да уживаат во глетката од прозорецот со часови.

Дали и вие го правите тоа?

zoshto-ne-mozhete-da-gi-vidite-dzvezdite-dodeka-letate-so-avion-02.jpg

Убаво е да се добие сосема нова перспектива за светот додека го гледате како минува под вас, нели?

Сè изгледа ситно и многу помалку значајно – но не е само погледот на земјата што изгледа поинаку.

zoshto-ne-mozhete-da-gi-vidite-dzvezdite-dodeka-letate-so-avion-05.jpg

Набљудувачки настроените патници можеби забележале дека ретко се гледаат ѕвезди додека се лета ноќе – и сега еден научник објасни зошто.

Aмериканскиот астрофизичар и научник Итан Сигел укажа на влијанието што вештачката светлина може да го има кога станува збор за набљудување на ѕвездите.

zoshto-ne-mozhete-da-gi-vidite-dzvezdite-dodeka-letate-so-avion-08.jpg

Можеби мислите дека бидејќи сте далеку од градовите кои даваат многу светлина, ѕвездите би требало да се посјајни, но дури и слабо светло во кабината на авионот може да ви го попречи погледот кон ноќното небо.

Научникот Итан Сигел објаснува:

„Ова можете лесно да го разберете ако помислите на вашата куќа ноќе. Ако внатре имате вклучени светла, а надвор е темно, кој што може да види?

Однадвор, некој што гледа внатре може да види сè што правите. Но, ако сакате да видите што се случува надвор, треба да ги изгасите светлата внатре, нели?

Како општо правило, треба да биде потемно на местото од каде што гледате отколку на местото кон кое гледате, инаку нема да можете да видите речиси ништо.

Ако не беа светлата од самиот авион, всушност ќе можевте да имате еден од најдобрите погледи на небото достапни за луѓето“.

zoshto-ne-mozhete-da-gi-vidite-dzvezdite-dodeka-letate-so-avion-03.jpg

Иако светлата во авионот се главната причина поради која обично не ги гледаме ѕвездите додека летаме, постојат и уште неколку фактори.

„Светлосното загадување“ сè уште може да има улога во видливоста на ѕвездите, бидејќи вишокот на вештачко осветлување од земјата може да ги направи помалку видливи.

zoshto-ne-mozhete-da-gi-vidite-dzvezdite-dodeka-letate-so-avion-06.jpg

Кога станува збор за природни пречки, и месечината има своја улога бидејќи нејзината светлина ги засенува ѕвездите.

Значи, летањето на голема висина можеби нема да ви даде најдобар поглед на небото – но барем сега знаете зошто.

С. С. | Црнобело / фото: pexels.com

Би можело да ве интересира:

Луѓе кои преживеале фатални авионски несреќи – Американец двапати ѝ „избегал“ на смртта Кога авионот почнал да паѓа, Анет изгубила свест. Следното нешто на коешто се се...
Киднапирале авион и држеле патници во заложништво над 60 часа: Приказната зад хит серијата The Hijac... Во 1970-тите, двајца мажи киднапирале патнички авион и се заканувале дека ќе пос...
8 изуми кои ги создале жени, а без кои светот ќе беше сосема поинаков Аквариум, чистач за снег - жените стојат зад многу значајни изуми без кои светот...
10 работи што денес ни се смешни, а биле сосема нормални во минатото (фото) Во 1920-тите биле измислени здолништа за капење, но, многумина сметале дека овие...
Колку светлото го менува изгледот на познатите градби во Македонија и светот? Кривата кула во Пиза, Ајфеловата кула во Париз, операта во Сиднеј се само дел од...
Работи што можете да ги видите само во Мексико (фото) Леб без кора исечен ан парчиња, автомат за ранци, но и огромен избор на лути сос...

Најчитани неделава

sonovnik-sidebar.jpg