Вреќички за чај и уште 3 работи кои се измислени сосема случајно

Знаете ли дека пластелинот првично се продавал како средство за чистење ѕидни тапети? Но, бидеќи не бил токсичен, го ребрендирале како маса за моделирање за деца.

Доста често, изумителите со години работат на некоја идеја со цел да создадат практичен изум.

Но, уште почесто, идеите ги добиваат сосема случајно, неретко и од природата, или, пак, добиваат потполно нов изум од чиста случајност.

Неколку изуми што ги користиме секојдневно, а се потполно случајни:

Вазелин

Вазелинот, кој го носи името на првата фирма што почнала да го продава, бил случајно откриен од хемичарот Роберт Агустус во 1860-тите.

Иако се верува дека Индијанците веќе користеле непреработен вазелин, во модерниот свет тој пристигнал благодарение на младиот хемичар.

Кога во САД почнале првите ископувања на нафта, инженерите забележале дека на нивната опрема се таложи материјал налик парафин која им го попречувала работењето.

Младиот хемичар добил задача да го проучи овој материјал и случајно открил дека со дестилација, може да создаде вид гел кој, пак, се покажал како одлично средство за рани и кожа, воопшто.

Набрзо потоа и го патентирал својот изум.

Велкро лепенки

Велкро лепенките се висински спас за родители со мали деца, но се навистина практични и за возрасни.

А, нивниот изумител – инженерот Џорџ де Местрал – ја добил идејата сосема случајно.

Во 1940-тите, тој бил на лов на планина во Швајцарија, кога почнал да се прашува како чичките на неговите панталони и крзното на неговото куче стојат закачени сами од себе.

Зел неколку чички и почнал да ги набљудувал под микроскоп и сфатил дека нивните боцки имаат минијатурни куки.

Па, почнал да експериментира и успеал да ги направи првите велкро лепенки.

Вреќички за чај

Многу луѓе и денес ја користат традиционалната техника за пиење чај, но факт е дека вреќичките се многу попрактични.

А, нивниот изум бил вид недоразбирање.

Американецот Томас Суливан бил трговец кој во 1904 година се подготвувал да испрати чај во Европа.

За да го заштити, решил да го стави во мали вреќички од свила.

Кога чајот пристигнал во Европа, оние што го купиле мислеле дека треба да се консумира со вреќички, па го потопиле во вода без да го извадат.

И, така ги измислиле вреќичките чај.

 

Пластелин

Пластелинот што денес децата го користат за играње првично бил продукт за чистење.

Имено, во 1930-тите, најпрво се продавал како средство за чистење ѕидни тапети.

Но, во 1950-тите, ѕидните тапети веќе не биле толку популарни, па компанијата што го правела пластелинот почнала да размислува како да го искористи продуктот кој бил клучен за нејзин опстанок.

Тогаш, пријателка на личност од менаџментот на компанијата дала предлог да почнат да го продаваат пластелинот како маса за моделирање за деца бидејќи не бил токсичен.

Спирова С. | Црнобело