10-те најсмртоносни временски непогоди од изминативе 20 години

Топлотните бранови во Европа, но и бурата што лани зафати делови од Грција и Бугарија, се меѓу најсмртоносните временски непогоди со кои се соочивме изминативе 20 години.

фото: magnesianews.gr

Поплавите со кои деновиве се соочува Шпанија резултираа со над 100 жртви, а се само една од бројните разорни катастрофи што ги видовме изминативе години.

Експертите апелираат дека ваквите екстремни временски услови главно се резултат на климатските промени предизвикани од човекот.

Истакнуваат и дека во иднина, треба да се подготвиме за повеќе непогоди, и тоа не само поплави, туку и топлотни бранови, суши, урагани…

Во продолжение, најсмртоносните временски непогоди со кои се соочи човештвото изминативе две децении:

Сомалиската суша во 2011 - над 258.000 жртви

Изминативе 20 години, најсмртоносна е таканаречената сомалиска суша од 2011 година која резултираше со смртта на над258.000 луѓе.

Покрај Сомалија, во Источна Африка беа погодени неколку земји, како Етиопија и Кенија.

Сушата предизвика недостаток од храна, а Сомалија настрада најмногу бидејќи веќе се соочуваше со граѓанска војна.

Циклонот Нагрис од 2008 - над 138.300 жртви

Циклонот Наргис ја погоди Мјанмар во мај 2008 година.

Ова е една од најголемите природни катастрофи со кои се соочила Азија и тогаш загинаа над 138.300 луѓе.

Се претпоставува дека бројот на жртви е и поголем бидејќи во официјалниот извештај не се наведени луѓето кои починале отпосле – поради повреди, несоодветна помош и слично.

Топлотниот бран во Русија од 2010 - над 55.700 жртви

Во летото 2010 година, температурите во Русија беа за 5 степени Целзиусови над просекот.

Иако ова на прв поглед не делува како голема разлика, петте степени Целзиусови беа сосема доволно да предизвикаат суша, драстично намалување на производството на храна, како и пожари.

Сето ова, во комбинација со загадениот воздух од фабриките, автомобилите и пожарите, беше причина за над 55.000 смртни случаи.

Топлотниот бран во Европа во 2022 - над 53.500 жртви

Топлотниот бран од 2022-ра што зафати голем дел од Европа предизвика температури над 40-тиот степен во земји каде летниот просек е 25 степени Целзиусови.

Бројни луѓе починаа од топлотен удар, најмногу повозрасни и личности со веќе влошено здравје.

Се проценува дека над 53.0500 луѓе починале како директна последица од топлотниот бран.

Топлотниот бран во Европа од 2023 - над 37.100 смртни случаи

И ланското лето бројни европски држави се соочија со топлотен бран.

Температурите во Италија, Франција, Шпанија, Германија, Грција, па и Македонија уриваа рекорди, а имаше и многу пожари кои, поради жешкото и суво време, беше речиси невозможно да се изгаснат.

Поради топлотниот бран, се проценува дека починале над 37.000 лица низ Европа.

Продолжува на следната страница...