8 знаци дека сте силна личност (дури и кога не верувате во тоа)

Силната личност гледа на промените како можност за раст, за нов чекор и нови шанси. Ако и вие ја дочекувате промената со раширени раце, тогаш тоа е сигурен знак дека сте силни.

Сите луѓе ја немаат храброста да се истакнат себеси и своето мислење пред другите. Но, некои едноставно се разликуваат од останатите и токму во таа разлика лежи силата, а не слабоста.

Според психологијата, одредени карактеристики откриваат дека некој има посилен карактер од просечниот човек.

Следниве 8 знаци можат да бидат показател дека сте посилна личност отколку што мислите:

Не се плашите да го кажете своето мислење

Способноста да се каже она што се мисли е знак на силна личност, но, за жал, многумина се чувствуваат емоционално или физички небезбедни за да го искажат своето мислење.

Ако сте отворени и секогаш го искажувате своето искрено мислење, тогаш секоја чест. Потребна е храброст, но и зрелост за да се каже вистината.

Наместо кратки, претпочитате длабоки разговори

Не можат сите да се вклучат во длабоки дискусии. Потребна е храброст за да се навлезе во значајни теми кои ќе поттикнат размислување, затоа што тие најчесто ги допираат нашите стравови, желби, верувања.

Ако сметате дека сте наклонети кон длабоки и значајни разговори, наместо површни, тогаш тоа може да биде знак дека сте исклучително силна личност.

Другите не можат да ви влијаат толку лесно

За да избегнат конфликт, многумина ќе избегнат да го искажат своето мислење, но оние кои се посилни, имаат помала веројатност да бидат под влијание на другите.

Ако сте некој кој се држи до своите верувања и не го предомислуваат туѓите мислења, тоа е знак дека сте посилни отколку што мислите.

Вие се цените себеси и не се плашите да одите против другите кога тоа ќе биде потребно.

Покажувате емпатија кон другите

Во свет каде што секој е зафатен со сопствениот живот, одвојувањето време за разбирање на емоциите на другите е особена реткост.

Ако природно сочувствувате со другите, вие покажувате дека сте силна личност и дека поседувате способност да се поврзите со другите на едно подлабоко ниво, што е особина што не ја поседува секој.

Ги прифаќате промените, наместо да се плашите од нив

Промените можат да бидат застрашувачки бидејќи се непредвидливи, непознати и честопати знаат да ве извадат од комфорната зона.

Но, силната личност гледа на промените како можност за раст, за нов чекор и нови шанси. Ако и вие ја дочекувате промената со раширени раце, тогаш тоа е сигурен знак дека сте силни.

Не се плашите да бидете сами

Да се биде сам значи да се биде со себе, а тоа е она што ги одликува оние со силна личност.

Да се биде сам е одлично позитивно искуство, затоа што ќе имате можност да се ориентирате кон своите емоции и да ѝ дадете приоритет на вашата ментална благосостојба.

Не барате потврда од другите

Секој сака да биде пофален и ценет, но постои разлика помеѓу уживање во позитивни повратни информации и потребата од нив за да се чувствувате достојни.

Според психологијата, оние кои постојано бараат потврда (или признание, пофалба) од другите, честопати се несигурни и се борат со ниска самодоверба.

Од друга страна, ако сте личност која може да ги признае сопствените достигнувања и не ви треба одобрение од другите за да се чувствувате подобро со себе, најверојатно имате посилна личност отколку што мислите.

Отпорни сте на неволјите

Нормално е дека животот е полн со подеми и падови. Но, силните личности не дозволуваат несреќните моменти да ги обесхрабрат, туку на тоа гледаат како на можност за раст.

Ако пречките ги гледате и како начин за учење, тогаш покажувате дека имате цврста и одлучна личност која продолжува без разлика што ѝ понудил животот.

М. Ѓ | Црнобело / фото: freepik.com