Кои бои ќе ви донесат среќа и пари во 2024-та година, според Фенг шуи?

Која боја треба да доминира во вашата облека и во уредувањето на домот за 2024-та да ви биде среќна и просперитетна? Во која боја треба да ви биде и паричникот за да имате повеќе пари?

Според кинескиот хороскоп, секоја година е поврзана со одреден хороскопски знак и елемент, па така 2024-та година ќе биде Годината на Дрвениот Змеј и со себе овој знак ќе ја донесе својата единствена енергија и симболизам.

Согласно на ова, Фенг шуи експертите секоја година утврдуваат бои кои се смета дека носат среќа и позитивна енергија во нашите живот, па потребно е што е можно повеќе да ги внесувате во уредувањето на домот, во облекувањето и секојдневниот живот за да имате поголема среќа и просперитет.

Бојата што во 2024-та година ќе ви донесе најмногу среќа е темнозелена, како на зимзелените дрвја.

Со оглед на тоа што ова е боја што е застапена со дрвјата во природата, се смета дека таа е бојата на Дрвениот Змеј и промовира хармонија, стабилност и баланс.

Оваа боја се поврзува со убавината на природата и симболизира раст, обнова и заживување, па ако ја вметнете во вашите животи, тоа значи дека ќе си создадете можност за личен развој и трансформација.

Освен зелената, годинава среќа ќе ни носат и златните тонови, но и смелата црвена боја.

Златната боја во кинеската традиција се смета дека носи оптимизам и просперитет, а црвената во Кина е среќна боја која носи позитивна енергија и страст, како и поголема мотивација и ентузијазам.

Изборот на овие бои во облеката ќе ви помогне да имате поголема самодоверба и да привлечете повеќе можности за заработка.

Внесувањето декорации во овие бои во домот ќе ви донесе повеќе просперитет и напредок, а Фенг шуи експертите препорачуваат истите бои да се користат и при изборот на папки и други канцелариски материјали за да имате поголем напредок.

Изборот на бојата на паричникот треба да биде во зависност од тоа што сакате да го постигнете:

• Зелениот паричник ќе ви донесе повеќе пари;
• Златниот паричник ќе ви помогне да ја зголемите самодовербата и посмело да се справувате со прашањата поврзани со финансиите;
• Црвениот паричник ќе ви помогне да бидете помотивирани и постраствени во вашите обиди за финансиски успех.

Б. С. Б. | Црнобело