Шпекулации за љубовна врска со Шакира, родителите му се славни бодибилдери: Што знаеме за Алфи од Emily in Paris?

Беше доволно само кратко појавување во една епизода на Emily in Paris, за Лусиен Лависконт да стане миленик на жените ширум светот. Што знаеме за актерот со заводлив поглед?

Веќе неколку години Лусиен Лависконт е миленик на женската публика. Улогата на Алфи во хит серијата Emily in Paris му донесе популарност, каква што не замислувал дека ќе стекне еден ден, иако со години пробувал да стане славен.

Денес, овој шармантен актер со заводлив поглед има сè што посакувал - филмска кариера која оди по нагорна линија, модни ангажмани и, според светските таблоиди - во љубовна врска е со Шакира, иако ниту тој, ниту пејачката не ги потврдија или демантираа пишувањата.

Што знаеме за Лусиен?

Роден е на 9 јуни 1992 во Барнли, Англија и неодамна наполни 32 години.

Тој е со мешано етничко потекло.

Мајка му е Британка, а татко му од Антигва.

Неговите родители се познати бодибилдери и се запознале на натпревар, на кој мајка му се натпреварувала, а татко му бил судија.

Веќе следниот ден излегле на љубовен состанок, и тој ѝ признал дека не ѝ дал највисока оценка, туку ја рангирал на 2-ро место од сите жени што се натпреварувале.

Родителите на Лусиен се заедно скоро 40 години, но се венчале лани, по скоро 39 години љубов.

Актерот има уште двајца браќа - Луис и Џулс.

На 10 години ја снимил својата прва реклама.

Го открила агентка за таленти, која го видела во продавница со мајка му и ѝ предложила да го донесе Лусиен на аудиција.

Аудицијата била за кампања на Marks & Spencer, за нивната нова колекција за деца која за нив ја дизајнирал Дејвид Бекам.

И првата улога ја добил на 10 години, во серијата Clocking Off.

Во средно училиште се запишал во драмската секција и тогаш сфатил дека сака глумата да му биде професија, а не само хоби.

Продолжува на следната страница...