Од дете на бегалци до кралица на која сите ѝ се восхитуваат – Факти за Ранија, кралицата на Јордан

Побегнала од Кувајт кога имала само 21 година, работела во банка, а денес е кралица на Јордан. Со својата појава секогаш го привлекува вниманието кај присутните, а важи за една од најубавите и најелегантните кралици во арапскиот свет. Што знаеме за јорданската кралица Ранија?

Кралицата Ранија од Јордан важи за една од најубавите кралски дами во светот. Секогаш елегантна и модерна, и на возраст од 52 години таа плени со својата појава, а неодамна заедно со сопругот се појавија на крунисувањето на кралот Чарлс Трети, каде повторно успеа да се истакне меѓу присутните.

Ранија е 9 години помлада од својот сопруг Абдула Втори (61), а важи за една од најубавите и најмодерните дами во арапскиот свет.

Денес Ранија живее во луксуз, но малкумина знаат за нејзините скромни почетоци.

Во продолжение, неколку интересни факти за неа:

Ранија била родена во август 1970-та година во Кувајт од родители со палестинско потекло, а кога имала 21 година, заедно со семејството побегнале во Аман, Јордан заради војната на Блискиот Исток.

Високото образование го завршила во Каиро, Египет, каде студирала бизнис менаџмент на American University.

Пред да го запознае принцот Абдула, Ранија работела во банка во Јордан, а потоа станала дел од маркетинг тимот на компанијата Apple.

Во 1992-ра година, на Ранија целосно ќе ѝ се промени животот кога на една вечера ќе го запознае принцот Абдула од Јордан. Меѓу нив веднаш се родила љубов, а само 2 месеци подоцна тој ја побарал за сопруга.

Ранија и Абдула стапија во брак во 1993-та година, а нивната свадба се памети во арапскиот свет.

Ранија од бракот со кралот на Јордан има 4 деца, а тие двајца важат за едни од најубавите и најскладните кралски парови во светот.

Во 1995-та година, кралицата основа фондација која има за цел да им помага на децата во кралството.

Во една прилика се насмеа па рече дека кога ја гледаат, децата најчесто се разочарани затоа што не носи круна.

Продолжува на следната страница...