Не е исто да дадеш гол и да се шеташ гол - 25 примери за хомоними во македонскиот јазик

Во нашиот македонски јазик често среќаваме зборови кои имаат две или повеќе значења. Тоа се хомоними.

Кога странци го учат македонскиот јазик, тоа често им претставува проблем, особено во усната комуникација.

Хомонимите се интересни и понекогаш збунувачки, затоа што истиот збор во еден контекст може да е глагол, а во друг контекст да е именка, придавка или пак прилог.

Но, употребата на хомоними се случува дури и нам да ни предизвика конфузија, особено кога користиме кратки фрази или одговори во пишаната комуникација. Затоа се препорачува секогаш да одговараме со јасни реченици, во кои се знае точно е глагол, што предмет, што именка.

Издвоивме 25 примери за хомоними, кои најчесто ги употребуваме во секојдневната усна и пишана комуникација:

СКАРА

Со пријателите традиционално се собираме и правиме скара.

Син ми се скара со девојка му.

ЗАВЕДУВА

Не престанав да го гледам и заведувам цела вечер.

Супер што доаѓаш, те заведувам во список.

ГРБ

Имам силни болки во пределот на грбот.

Симболи на државата се знамето, химната и грбот.

БАРА

Додека врнеше, децата скокаа во бара.

Работното место бара специфични квалификации.

ГРАД

Врнеше град и ги уништи посевите.

Дали имаш омилен град во кој би живеел?

ЈАЗИК

Да го чуваме и негуваме македонскиот јазик!

Кога мијам заби, секогаш со четката го чистам и јазикот.

ГОЛ

Холанѓаните во 94-та минута постигнаа изедначувачки гол.

Студено е, не се шетај гол!

ПРЕЧКА

Срамот ми е голема пречка во комуникацијата.

Нашиот ракометар за жал погоди пречка, наместо гол.

МОТОР

Сè повеќе млади возат мотор.

Левиот мотор на авионот се запали.

ГЛУШЕЦ

Во напуштената куќа на ридот најдоа мртов глушец.

Глушецот на компјутерот повторно ми се расипа.

БЛОК

На секои два дена купувам блок по ликовно за ќерка ми.

Земјотресот не го оштети нашиот блок згради.

КОСА

Отсекогаш сум сакала долга и бујна коса.

На село, гребло и коса сè уште се актуелни алати.

ГЛАВА

На секоја промена на време ме боли глава.

Прочитав до 34-та глава од романот.

Уште 12 примери на следната страна...