Знаеш ли кој сум јас?!

Во денешно време и со нашиот менталитет чести се оние кои знаат да кажат: “Знаеш ли ти кој/а сум јас?“.

Ако се најдете во ваква ситуација важно е да останете прибрани.

Верувале или не оваа приказна е вистинита. На вработената на шалтер на Загребскиот аеродром треба да и доделат признание за духовит и интелигентен одговор.

Еве што се случило:

Заради бурата во Дубровник, летот на релација Загреб - Дубровник е откажан.

Водич од една туристичка агенција на шалтерот правел нова резервација за својата група нетрпеливи патници, кога еден лут и нервозен господин се избуткал до шалтерот.

Ја фрлил својата карта на шалтерот и викнал:

“Јас морам да бидам на овој лет и тоа во прва класа!“

Службеничката на шалтерот му одговорила: 

“Господине, жал ми е, но јас морам прво да направам резервација за групата луѓе која чека пред вас, ако бидете трпеливи сигурна сум дека ќе можам на некој начин да ви излезам во пресрет.“

Лутиот господин не бил воопшто импресиониран од љубезниот одговор туку и се развикал на жената зад шалтерот: Знаете ли вие воопшто кој сум јас!?

Без нервоза, жената го зела микрофонот и се јавила:

“Ги молам посетителите на Загребскиот аеродром за внимание. На терминалот за домашни летови имаме човек кој не знае кој е. Ако може некој да помогне во откривање на неговиот идентитет, итно нека се јави на шалтер број 2.“

Покрај хистеричното смеење на патниците кои чекале во редот, нетрпеливиот господин со бесен глас и дофрлил на службеничката:

“Ќе ти *бам *атер!“

На тоа таа љубезно му одговорила:

“Жал ми е господине, но и за тоа ќе треба да почекате во редот!“