„Степ дринк“, „Симче“ - Производи кои им будат носталгија на сите што пораснаа во едно поинакво време

Ако сте оделе во училиште на почетокот на 2000-тите години и на крајот на 90-тите сигурно се сеќавате на некои од овие производи. Што купувувате вие најчесто ако во џебот најдевте 10-тина денари во џебот?

Од слатки производи и чоколатца, до мастики за џвакање, инхалери за нос, топчиња и играчки... Постојат голем број предмети кои веќе ги нема, а со сигурност ќе ви разбудат носталгија.

Ние бевме генерација која имаше можност по цел ден да си игра на улица, која сама одеше во училиште и се снаоѓаше да се договори да се најде со другарите и пријателите и без мобилни телефони и интернет.

Генерација, која наместо постојано да зјапа во монитор, сакаше да гледа во светот околу себе, шарените излози, а и да ги купува производите и играчките што се рекламираа на телевизија или што се нудеа во продавниците.

Немавме деца инфлуенсери да ни кажуваат кои играчки треба да ги бараме, немавме некој да ни кажува што е добро, а што не, и на крај – кога ќе размислите поубаво, сепак имавме сѐ.

Имавме кисели мастики, кои мора да ги изедеш во друштво за да покажеш колку си храбар, додека другите те гледаат и со душа чекаат каква фаца ќе направиш, и не за да те снимаат, туку за да се пошегуваме.

Пиевме Step drink од 10 денари, или купувавме сокови во амбалажа со овошје, во училиште сечкавме со ножици во форма на жаба, ги крадевме шминките на мама, си игравме со топчиња што скокаат (кои беа строго забранети во станот)...

За 10 денари си купувавме „Симче“ – нашето коцкасто милениче...

Купувавме ланчиња со цуцли и што се прелеваат...

Погледнете неколку фотки што сигурно ќе ве вратат на детството и ќе ви разбудат носталгија:

„Симче“ - вашето коцкасто милениче

Инхалери, задолжителна „опрема“ за секое дете со затнат нос

Зелени смоки „Агро флипс“

Лажни мастики, што те тепаат по прст ако повлечеш

Топчиња што скокаат (и се забранети во стан)

Продолжува на следната страница...