Македонците за CRNOBELO откриваат: „Кое е најглупавото прашање што ви го поставиле на прв состанок?“

Првиот љубовен состанок многу често е чуден – чувствуваме напнатост, не знаеме дали ќе „кликнеме“ со тој што ќе излеземе, се прашуваме за што ќе разговараме и дали ќе ни тргне муабетот или ќе има непријатна тишина. А тука се и чудните прашања кои многумина ги добиваат, па, збунето гледаат и не знаат како да одговорат или како да се однесуваат во тој момент.

Дали сте добиле и вие некое глупаво или чудно прашање на првиот состанок со некој?

Преку анкета на Инстаграм ги прашавме Македонците кое е најглупавото прашање што им го поставил некој додека биле на прв љубовен состанок.

Во продолжение прочитајте што ни одговорија:

1. Ме гледаше во очи и ме праша: „А каква боја ти се очите?“

2. Дали ти се вистински забите?

3. Колку години си во брак?

4. Дали имаш европски пасош?

5. Со што се занимаваат твоите?

6. Ме прашуваа: „А живееш во населбата или во селото Драчево?“ Потоа, тонот им се менуваше кога ќе кажев дека живеам во куќа со 3 ката и голем двор.

7. Како толку убава девојка, а сингл?

8. Најчудно прашање, иако не беше на прв состанок ми било: „Со што се греете дома?“ Денес сум среќно мажена со него.

9. Со колкумина си била досега?

10. Колкава ти е платата?

11. А ти колку книги читаш месечно?

A. J. | Црнобело