„Домашно подготвените торти на мајка ми и денес ме прават горд - фотки од моите стари албуми“

Секогаш имав интересни желби за тоа како сакам да ми изгледа тортата, па најчесто моите дома искористувајќи ја сета нивната креативност и намирници успеваа некако да ги задоволат моите критериуми, наместо да купуваат торти од битолските слаткарници. Можеби некогаш тоа беше повеќе импровизација, но секогаш гостите нè прашуваа од каде ни е порачана тортата. Тоа за нас беше голем комплимент којшто ни кажуваше дека нè сме лоши во украсувањето на тортите.

Сигурен сум дека барем еднаш во вашиот живот сте пробале сами да направите торта и истата некако да ја декорирате.

Па, искрено да ви кажам, во моето семејство тоа е традиција. Освен што уживаме во благото, и традиционално секоја недела нешто се приготвува, исто така мојата мајка и брат се вистински професионалци кога станува збор за украсување на торти.

Јас пораснав во она време, каде најчесто родендените ги прославуваме дома со најблиските другари од маалото. Па така, ни еден мој роденден не можеше да пројде без домашна торта декорирана од рацете на мајка ми и брат ми.

Секогаш имав луди желби за тоа како сакам да ми изгледа тортата, па најчесто моите дома искористувајќи ја сета нивната креативност и намирници успеваа некако да ги задоволат моите желби.

Можеби некогаш тоа беше повеќе импровизација, но секогаш гостите нè прашуваа од каде ни е порачана тортата. Тоа за нас беше голем комплимент којшто ни кажуваше дека не сме лоши во украсувањето на тортите.

Ја пишувам оваа статија со една доза на иронија кон денешното време во кое живееме. Време во кое ни еден роденден или прослава не може да се прослави без трендовите на преголеми торти на неколку катови или пак изобилието на марципан.

Ве носам низ семејните албуми од нашите домашно декорирани торти. Можеби ќе ви послужат како инспирација кога некогаш ќе декорирате торта.

Доколку би требало да ѝ ставам име на тортата тогаш тоа сигурно би било „Чоколадна фантазија".

Дефинитивно мојата омилена торта која сум ја имал за роденден. Одете до продавница и купете различни чоколада, едноставно премачкајте ја тортата со чоколадо и наредете ги чокладата во некоја естетско добра форма.

Торта декорирана со марципан. Можеби најслатката торта која сме ја имале, највеќе поради изгледот.

Иако сме „противници" на тортите декорирани со марципан, сепак овде сме морале да го следиме трендот. Цветовите се исто така од марципан и можете да ги најдете во секоја продавница.

Идејата ни беше да направиме торта - чоколадна кошничка.

Многу едноставно и брзо декорирана со помош на чоколадни стапчиња.

Овде не станува збор за роденденска торта, туку сигурно мајка ми ја направила поради некоја прослава од типот на веридба или свадба. 

Ова е можеби мојата најинтересна торта. Едноставна и елегантна, но акцентот паѓа на неправилната фигура изработена од чоколадо.

Станува збор за техника која ја видовме на интерент. Односно еден надуван балон се премачкува со чокалдна глазура и се става во ладилник да се смрзне. Потоа балонот се пука и останува неправилната форма од чоколадо која сте ја направиле.

©CRNOBELO.com Забрането преземање и копирање. Крадењето на авторски текстови е казниво со закон.

А. Б. | Црнобело