Велигденски јајца во златна боја со кои ќе ги импресионирате децата, но и возрасните

Ако сакате да направите златни велигденски јајца со кои ќе ги воодушевите сите, но најмногу децата, тогаш оваа лесна техника за бојосување е совршена за вас.

Велигденските јајца традиционално се во црвена боја.

Но, денес, скоро и да не постои човек што не сака барем малку да експериментира со боите и техниките за вапсување јајца за Велигден.

А, ако сте љубител на златната боја, тогаш ви го претставуваме најлесниот начин да за добиете совршени златни велигденски јајца.

Потребни ви се само неколку состојки - бели јајца, куркума, алкохолен оцет, златна прехранбена боја во прав (која може да ја најдете во големи маркети или продавници каде што се продаваат украси за торти и колачи) и белка од јајце.

Начинот на подготовка е многу лесен. Во водата во која ги варите јајцата ставете неколку лажички куркума и малку алкохолен оцет.

Откако јајцата ќе бидат сварени, тргнете ги на хартија за да се впие вишокот вода.

Белката од јајцето изматете ја со виљушка, па нанесете малку од смесата на дланката.

Врз неа истурете од златната прехранбена боја и извалкајте го јајцето.

Видео постапка:

А. Ј. | Црнобелo