Идеја од креативна Македонка – како да направите сами држач за велигденски јајца?

Креативна Македонка која живее во Холандија со видео постапка покажува како со децата да направите држач за велигденски јајца од глина - чини околу 100 денари, а ќе поминете забавно време заедно. 

Точно, во продавниците има бесконечно многу држачи и корпи за велигденски јајца, но, има некоја посебна магија кога нешто ќе направите сами заедно со децата.

Креативната Елена е мајка од Македонија која живее во Амстердам и на Инстаграм постојано објавува едукативни содржини за родители и деца.

Последно, таа објави видео во кое покажува како можете сами да направите држач за велигденски јајца.

Се прави од глина, а чини не повеќе од 100 денари и 30 минути поминати во забава со децата.

Потребно ви е:

• Глина / тесто за моделирање
• Пластична кутија од јајца
• Акрилна боја за премачкување откако глината ќе се исуши

Погледнете ја видео постапката:

 M. M. | Црнобело