Какво запросување сака секој хороскопски знак?

Сакате да подготвите незаборавно и романтично запросување, а не знаете што би направиле? Хороскопот може да ви помогне.

Дали сметате дека запросувањето само по себе да биде настан што долго ќе се памети? Идеална локација, фотографии, идеален прстен – сѐ треба да биде магично, романтично и незаборавно.

Некои луѓе сакаат запросувањето да биде јавно и сите да го видат видеото од магичниот момент, а други пак сметаат дека тоа е интимен миг што треба да биде приватен.

Според астролозите, хороскопскиот знак на личноста може во голема мера да ви помогне за тоа какво запросување да подготвите.

Кое е идеалното запросување за секој од хороскопските знаци?

Овен

Овните се познати по тоа што сакаат да бидат први во сѐ и да видат сѐ што има ново за да се види, па кога го планирате запросувањето треба да изберете локација што ним им се допаѓа.

Тие сакаат да бидат присутни на филмските премиери, отворањето на нови ресторани или да посетат некое ново место за кое никој не слушнал.

А овие места се совршени локации за да клекнете на едно колено и да им приредите незаборавно запросување.

Бик

Ако планирате запросување за Бик, тогаш клучниот збор треба да биде „забава“.

Со оглед на тоа шпто Биковите се големи обожаватели на добра музика и сакаат да одат на било кои културни или спортски настани, за нив е идеално запросувањето за време на некој концерт или на фудбалски натпревар.

Исто така, тоа може да го направите и во некоја убава градина или во уметничка галерија.

На овие места Биковите може да се опуштат и да уживаат во убавината на мигот, па најверојатно ќе добиете и потврден одговор.

Близнаци

Близнаците уживаат во тоа што се едни од најинтелигентните знаци во Зодијакот, а до себе сакаат да имаат и интелигентни партнери.

За нив треба да бидете екстремно креативни.

Можете запросувањето да го скриете во посебна загатка што треба да ја решат, ќе бидат восхитени ако им напишете песна или да им приредите запросување што ќе сакаат да им ја раскажуваат на сите членови во семејството и на пријателите.

Рак

Раковите не сакаат преногу да се оддалечуваат од домот, па тука ќе треба да го приредите и магичното запросување.

Можете да подготвите вкусна вечера и да го ставите прстенот во десерт.

Како и да е, пред да клекнете на едно колено, треба да бидете сигурни дека нема да бидете вознемирени или прекинати, затоа што на Раковите им е најважна смиреноста и стабилноста на партнерот.

Лав

За Лавовите, кои се познати по тоа што сакаат секогаш да бидат во центарот на вниманието, ќе треба да подготвите запросување во јавност каде сите погледи ќе бидат упатени во нив.

Запросувањето на спортски натпревар, каде камерите ќе може да го доловат моментот е идеално за Лавовите затоа што ќе ја задоволи нивната потреба сите да го видат моментот на нивната неизмерна среќа.

Дополнително, не заборавајте да напишете неколку реченици со коишто ќе ги пофалите како личност и ќе им го поткренете егото.

Девица

Познати се по чистотата, педантноста и здравиот начин на живот, а за нив идеално би било да им предложите брак откако претходно заедно ќе одите на масажа или на приватен час по јога.

Девиците ќе го ценат тоа што се целосно опуштени, но и тоа што се грижите за нив, затоа што тие најчесто даваат сѐ од себеси за да ѝ покажат на личноста што ја сакаат дека се подготвени да направат сѐ за неа.

Продолжува на следната страна...