Астролошки парови со најсилна поврзаност и најхармонична врска

Рибите и Раковите се разбираат како никој друг, а привлечноста помеѓу нив е неоспорна уште од мигот кога првпат ќе се сретнат. Зошто е тоа така?

Се верува дека астрологијата може да ви помогне да дознаете дали сте компатибилни со вашиот партнер. Односно, дали вашите и неговите одлики се усогласуваат и дали во вашата врска ќе владее хармонија.

Се разбира, не значи дека она што го кажува астрологијата е пресудно, но секогаш е интересно да дознаете дали вие и партнерот навистина сте сродни души според вашите хороскопски знаци.

Додека некои знаци во зодијакот се толку различни што воопшто не се поднесуваат, постојат и оние кои одлично се надополнуваат и создаваат рамнотежа во нивниот однос.

Кои се тие?

Вага и Скорпија

Вагата и Скорпијата се одличен спој бидејќи и двата знака се жестоки. Вагите сакаат да бидат посакувани, а Скорпиите можат да бидат посесивни и да им го дадат токму тоа. Во оваа врска обично Вагата ги дава советите, додека Скорпијата бара утеха кај неа.

Заедно, тие создаваат хармонична врска во која се надополнуваат и си ги исполнуваат потребите.

На почетокот, Вагата и Скорпијата можеби нема да се согласуваат најдобро поради навидум различните карактери. Но, штом ќе поминат некое време заедно, сфаќаат дека меѓу нив постои нераскинлива врска.

Риби и Рак

Познати како најемотивните и најинтуитивните знаци во зодијакот, Рибите и Ракот се разбираат како никој друг. И двата знака можат да се изгубат во нивните мечти, но штом се заедно се среќни бидејќи знаат дека се разбрани.

Привлечноста меѓу нив е неоспорна уште од мигот кога првпат ќе се сретнат.

Рибите и Ракот се добар пар бидејќи си создаваат и рамнотежа – додека Ракот е поприземен, Рибите се покреативни. Тие неретко имаат и многу заеднички интереси.

Стрелец и Овен

Кога Стрелецот и Овенот се заедно, авантурите се неизбежни. Тие сакаат да разменуваат мислења, да планираат патувања и да разговараат за секој чуден факт за светот околу нас што ќе го чујат. Тие се еден вид интелектуални сродни души, многу се почитуваат и секогаш им е забавно кога се заедно.

И за Стрелците и за Овните е познато дека се независни и самоуверени, а ова се одликите што ги бараат и кај другите луѓе – одовде е јасно зошто тие се совршен спој.

Ако Стрелецот и Овенот се во врска, голема е веројатноста претходно да биле многу добри пријатели.

Близнаци и Водолија

Близнаците и Водолиите создаваат одлична рамнотежа во нивниот однос – додека Близнаците се неодлучни и расеани, Водолиите се посветени и организирани.

Овие знаци си се потребни еден на друг за да ги остварат нивните цели. Додека Близнаците ги расположуваат и усреќуваат Водолиите, Водолиите им помагаат на Близнаците да си го најдат патот во животот.

Оваа врска ќе биде успешна бидејќи и двајцата имаат слични цели, односно сакаат рамнотежа во животот.

Девица и Бик

Девицата и Бикот се земјени знаци и многу добро ги урамнотежуваат нивните идеалистички желби.

Тие можат да бидат одлични пријатели и бизнис партнери, а кога станува збор за романтични врски, никогаш не се чувствуваат подобро разбрано отколку кога се заедно.

Девицата е инспирирана од самоуверениот пристап на Бикот кон живот, а друштвото со него навистина ѝ годи. На Бикот некогаш му треба приземјување, а Девицата најдобро знае како да го направи тоа, но и да го потсети што е најважно во животот.

Рак и Вага

Ракот и Вагата се вистински сродни души. Кога Ракот е емотивен, Вагата е овде да го смири. Кога Вагата има потреба од внимание, Ракот е подготвен да ѝ го даде.

Овие знаци одлично се согласуваат, а заедничкиот живот им е вистинска хармонија. И двајцата се емотивни и потребна им е личност што ќе ги разбере, а ова дополнително ги зближува. 

Ако почнат романтична врска, Ракот и Вагата нема да чекаат многу пред да стапат во брак. Ракот сака што побрзо да почне со заедничкиот живот, а Вагата може да му го даде токму тоа. Па, нема да трошат време во чекање кога станува збор за венчавка.

Спирова С. | Црнобело