Топ 5 драма кралици според хороскопот

Како што е познато, хороскопските знаци се поделени во две групи, оние кои имаат смирен карактер и тие што се поекстровертни и лесно избувливи.

Овие пет знаци од хороскопот, имаат најнемирен дух и лесно се наоѓаат во драматични ситуации, од кои повеќето неретко и сами ги креираат.

Рак 

Раковите немаат проблем со искажување на своите емоции во било кое време, на било кое место. Амбициозноста кај Раковите е доста оправдана, но, некогаш преминува и во натпреварување. Доколку доживеат некој постресен емоционален настан, можат во истата секунда да се сменат и да станат ранливи и бесни.

Лав 

Ако некој е на прво место по драматичноста, тоа се лавовите. Лавовите сакаат да бидат во центарот на вниманието и сакаат да живеат по највисок стандард. Меѓутоа има граница помеѓу тоа да ве привлекува луксуз и да правите драми доколку добиете нешто помалку од тоа, а кај лавовите таа граница е сосема нејасна. Доколку нешто не испадне како што тие планирале, знаат да станат арогантни, егоистични и гласни.

Скорпија 

„Страст” е второто име на секоја Скорпија. Тие се страствени и во љубовта и во работата, но таа страст секогаш може да премине за кратко време во нешто повеќе. Кога стануваат емоционални, овие девојки не се повлекуваат, туку знаат да станат агресивни и да не внимаваат на речникот и туѓите чувства.

Стрелец

Стрелците се родени ентузијасти, па кога се однесуваат драматично, тоа најчесто не е поврзано со никаков негативен настан. Но, доколку оваа девојка не е вознемирна за нешто конкретно, сепак има талент да ви каже нешто толку искрено што ќе ве повреди.

Кога емоционално се повредени, зборуваат толку многу што не можете да ги запрете, и најчесто тоа ги воведува во поголеми недоразбирања. Кога оваа девојка сака да добие нешто, не претставува проблем да ви ја симне и месечината со зборови, дури и по цена да се доведе самата во незавидна ситуација.

Водолија

Водолиите не се типични драма девојки. Нивниот смирен став и незаинтересиран поглед, ќе ви покажат слика на стабилна личност, но, нивните емоции се всушност најдраматични од сите. Поради тоа што се тивки поголем дел од времето, кога ќе ја достигнат границата на емоционална толеранција, ненадејно стануваат агресивни и бунтовни.

И. И. | Црнобело