Какво влијание ќе има секој ретрограден Меркур во 2025-та?

Во 2025-та година Меркур ќе биде ретрограден трипати. На што треба особено да обрнете внимание и како да си ја испланирате годината за да ги избегнете негативните влијанија на планетата?

Дури и луѓето кои не веруваат многу во астрологијата, често знаат да кажат дека го чувствуваат влијанието на ретроградниот Меркур или некои неубави моменти да му ги припишат токму нему.

Па, исто како и во 2024-та, така и во 2025 година, ретроградниот Меркур ќе се појави трипати.

На кои датуми ќе почне и кога ќе заврши, но и какво влијание ќе има врз луѓето?

Првиот ретрограден Меркур во 2025 ќе трае од 15 март до 7 април

Овој период ќе донесе апатија, луѓето кои ќе бидат најпогодени ќе имаат чувство дека се безначајни во очите на другите и дека ништо не им оди од рака.

Целите кои „до вчера“ им биле јасни и испланирани, одеднаш губат значење, а работите како да им бегаат од рака.

Па наместо да се фокусирате на важните работи, ќе му се препуштите на моментот и нема да сакате да преземете одговорност за ништо.

Но, и покрај комплексноста на периодот, сепак ќе успеете да извлечете и нешто добро.

Па така, во овие денови ќе почнете повеќе да се грижите за својот изглед и за своето здравје.

Вториот ретрограден Меркур во 2025 ќе трае од 17 јули до 11 август

Летниот ретрограден Меркур ќе донесе доза на конфликт и иритација меѓу луѓето.

Оние со кои сте во лоши односи (семејство, колеги, соседи) уште поизразено ќе ја покажуваат својата нетрпеливост кон вас и вие кон нив.

Ќе бидете тврдоглави, егото ќе ви биде поголемо од разумот.

Во овој период не е препорачливо да почнете нешто ново, ниту пак, да си ги трошите времето и енергијата обидувајќи се да го наметнете (или докажете) својот авторитет врз другите.

Третиот ретрограден Меркур во 2025 ќе трае од 9 до 29 ноември

Вашите амбиции ќе бидат огромни, а во овој период вие ќе си поставите цели кои сметате дека се невозможни, но сепак ќе дадете сè од себе за да ги реализирате.

Најголемите турбуленции ќе се случуваат на деловно поле, па во овие три недели се можни жестоки караници со колегите, недоразбирања со претпоставените или подредените.

Нема да сакате да направите ништо да ја „смирите топката“ и да ги подобрите односите со нив.

Искористете го ова време за личен развој, запишете се на некој бизнис курс, обновете си го знаењето во некоја област.

Одете чекор по чекор, и лесно ќе го поминете стресниот период.

А. Ј. | Црнобело