Нов  – можна е преселба. Стар – ќе имате работа околу уредување на домот.

Што значи да сонувате кафемат?

Ако сонувате нов кафемат

Ако сонувате нов апарат за кафе, тоа е знак дека ќе се преселите. Имате желба да промените нешто во животот, па можеби ќе се одлучите да го промените местото на живеење. Тоа ќе ви пружи шанса да најдете подобра работа и поголема заработка. Промените кои ќе ги внесете во вашиот живот и кои ќе ви донесат нови познанства ќе ве направат многу среќни. Ако размислувате да заминете во странство поради работа, овој сон е знак да се впуштите во таа авантура. Веројатно се двоумите поради семејството и пријателите, но и тие ќе сфатат дека тоа е најдобрата одлука која сте можеле да ја донесете.

Ако сонувате стар кафемат

Кога сонувате стар апарат за кафе, тоа имплицира дека ќе бидете зафатени околу средување на домот. Во наредниот период ќе бидете расположени да го реновирате домот, и ќе имате доволно време и финансиски средства да го уредите како сте замислиле.

Ако сонувате расипан кафемат

Ако сонувате како ви се расипал апаратот за кафе, тоа е показател дека мора да направите нешто што го одложувате долго време. Можеби ја одложувате посетата на лекар поради изговори од типот дека сте се успале или сте немале доволно време да стигнете. Ако имате несогласувања со партнерот или шефот, тие ќе побараат од вас сериозно да поразговарате и да донесете одлуки кои ќе имаат влијание врз вашата иднина.

Ако сонувате како поправате кафемат

Ако сонувате дека поправате кафе апарат, потсвеста ви кажува дека сте погрешиле нешто во врска со саканата личност. Веројатно сте кажале нешто во афект, и сега поради тоа имате грижа на совеста. Единствениот начин да се ослободите од ваков вид на сонови, е да и се извините на саканата личност и да се обидете да ги поправите работите. Сè додека не го сторите тоа ќе ве мачи совеста.

Ако некој друг поправа кафемат

Ако сонувате дека некој друг поправа апарат за кафе, тоа значи дека некој ќе се обиде да ви ги укаже негативните последици од вашите постапки.

Ако некому подарите кафемат

Ако некому подарите апарат за кафе на сон, тоа ја сомболизира потребата од нови луѓе во вашиот живот. Веројатно се дружите со ограничен круг на пријатели и членови на семејството, и ретко запознавате нови луѓе. Чувствувате потреба да се зближите со некого кој има сосема поинакви погледи на животот од вас, и од кого можете да научите нешто ново што ќе ви ги отвори хоризонтите. Можеби ќе посакате да отпатувате некаде сами, доживеете некоја авантура и да дознаете дали би можеле да функционирате доколку сте сами.

Ако добиете подарок кафемат

Доколку на сон некој ви подари апарат за кафе, значи дека имате таен обожавател. Некоја личност долго време има симпатии кон вас, но сè уште не се одлучил/а да ви го признае тоа. Ако сте во долга врска или во брак, јасно е дека сте во дилема, но ако сте сами, веројатно ве плаши помислата да го/ја одбиете. Можеби е во прашање близок пријател или колега од работа, што дополнително ја комплицира ситуацијата. Веројатно и самите сте забележале некои знаци, но не сте ги сфатиле на вистински начин.

Ако купувате кафемат

Кога сонувате дека купувате апарат за кафе, значи дека ќе вложите многу труд, работа и пари во некоја инвестиција која ќе ви донесе профит. Можеби се плашите да ставите „сè на коцка“, но истовремено сте свесни дека не можете да очекувате ништо без ризик. Влијателен познаник со големо искуство во работата со која се занимавате ќе ви даде вистински совет како да постапите. Потрудете се да го сфатите советот на вистински начин за да извлечете корист од сето тоа.

Ако продавате кафемат

Ако сонувате како продавате апарат за кафе, значи дека во блиска иднина ве очекуваат поголеми финансиски проблеми. Веќе некое време не стоите „сјајно“ кога станува збор за парите, но ако непромислено и импулсивно трошите пари, можете да се доведете во уште потешка ситуација. Бидете претпазливи ако потпишувате договор, бидејќи избрзаните постапки можат да ви донесат уште поголема главоболка.

Ако уништите кафемат

Сон во кој уништувате апарат за кафе симболизира осаменост. Веројатно понекогаш ви се чини дека не сте со вистинската личност која знае да ги препознае вашите потреби и да дејствува во согласност со нив. Можеби сте незадоволни од однесувањето на вашиот партнер. Во последно време имате лоша комуникација, меѓутоа и двајцата не се трудите да го промените тоа.

Доколку избегнувате разговари на тешки теми, ќе се оддалечите уште повеќе и тогаш нема да ви преостане ништо друго освен да се разделите.

Кога сонувате дека некој друг уништува апарат за кафе, значи дека е можно да се најдете во непријатна ситуација. Во некоја прилика ќе донесете брза одлука за која знаете декаќе влијае врз остатокот на вашиот живот. Сепак ќе имате доволно време да размислите добро и да побарате совет од некого на кого му верувате, но на крај, одлуката ќе мора да ја донесете сами.

Ако палите кафемат

Доколку сонувате дека палите апарат за кафе, тоа имплицира дека размислувате поради некој разговор со блиска личност. Имено, личноста ви кажала некои работи за кои во почетокот сте сметале дека не се точни, и со тек на време, сте сфатиле дека таа личност е во право. Сфаќате дека грешките кои сте ги правеле до сега се последица на вашите одлуки, а не на несреќните околности во кои сте се нашле. Набрзо ќе сфатите дека со вашиот живот управувате вие, а не некоја злобна личност за која мислите дека се обидува да ви наштети.

Ако сонувате како некој друг пали апарат за кафе, значи дека во блиска иднина ве очекува убаво дружење со пријателите и со семејството. Можеби сте се оддалечиле на кратко поради големиот број на обврски, но конечно ќе успеете да се соберете и да си поминете убаво време што ќе има позитивен ефект за вашето тело и ум.

Ако сонувате ѓезве или бокал за кафе

Ако сонувате ѓезве или бокал за кафе, тоа значи добивка. Можеби ќе добиете покачување на платата или наследство, а можна е и мала добивка на игрите на среќа. Ако сонувате празно ѓезве или празен бокал за кафе, тоа симболизира трошок. Веројатно ќе добиете покана за венчавка, крштевка или некоја друга прослава, која дополнително ќе го оптерети вашиот буџет и ќе ви создаде главоболки поради непланираниот трошок. Меѓутоа, тоа вам нема да ви претставува голем проблем со оглед на тоа дека се работи за убава прослава.

Ако сонувате дека водата во ѓезвето или бокалот зоврива, тоа имплицира поттиснат бес. Веројатно некој ве налутил и разочарал со своето однесување, и иако не сте реагирале во тој момент, сакате сè да им „истурите во лице“. Сепак сте свесни дека е доцна да реагирате, односно дека не можете да промените ништо бидејќи сте задоцниле со одговорот.

Толкувањето на сонот е поедноставно ако сте имале проблем со апарат за кафе во текот на денот. Можеби тоа ви оставило силен впечаток и затоа сте сонувале кафемат.