Подредени дрва значи богатство; распослани: значи расправа со блиска личност, ако цепите дрва тоа значи дека ве очекува тешка работа.

Што значи да сонувате дрва?

Ако сонувате подредени дрва

Ако на сон видите подредени дрва тоа симболизира богатство. Ќе постигнете голем успех во животот благодарение на вашата дисциплинираност и одговорноста со која се однесувате со секоја обврска којашто ја прифаќате. Способноста за добра организација ќе ви помогне да си го распоредите времето, а да не си го запоставите приватниот живот.

Ако сонувате распослани дрва

Кога сонувате распослани дрва тоа предупредува на расправа со блиска личност. Веројатно ќе дојдете до спротивставени мислења што со себе ќе повлече многу теми од минатото кои не биле расчистени до крај. Ќе сфатите дека многу нешта си замерувате еден на друг и бидејќи не сте разговарале отворено, замерките ви се зголемувале и на крајот ќе бидат изговорени во афект и без размислување.

Ако цепите дрва

Ако сонувате дека цепите дрва тоа имплицира дека ве очекува тешка задача. Не би можеле да си го замислите животот без обврски и секогаш барате нешто што би можело да ви го привлече вниманието. Сакате да се чувствувате корисно и постојано учите нови нешта за да не заостанете. Иако ви се случува да не бидете во можност да постигнете се, всушност не би требале да менувате ништо во животот.

Ако сонувате дека други делкаат дрва

Доколку сонувате дека други делкаат дрва тоа имплицира дека нема многу да се намачите за да си ги остварите посакуваните цели. Искористете ја моќта на убедувањето за да ги наговорите другите да работат за вас. Вие ќе бидете само раководител или координатор на проект кој ќе ви донесе заработка.

Сепак, додека не ви се остварат желбите, ќе мора малку и да се помачите. Ако имате приватен бизнис, наскоро ќе ангажирате уште луѓе кои ќе работат за вас.

Ако сонувате дека цепите дрва

Ако на сон цепите или сечете дрва со пила значи дека мора да се преквалификувате за некоја работа за да си го задржите работното место или да бидете поефикасни. Можеби ќе дојде до системски промени во вашата фирма која ќе изискува дополнителна едукација. Иако во моментот немате волја за такво нешто, ќе мора да прифатите за се усовршите за да останете на истата позиција во фирмата.

Ако сонувате дека други цепат дрва

Кога сонувате дека други цепат дрва тоа е јасен показател дека не знаете да раководите со парите. Не знаете како да ги распоредите парите од месечниот приход на вистински начин за да не бидете присилени да се „притискате“ во последните денови од следната плата.

Колку и да заработувате секогаш го имате истиот проблем. Време е да ги смените навиките кога станува збор за трошење. Доколку сакате да заштедите ќе мора да се одречете од некои нешта.

Ако сонувате дека ги редите дрвата

Сон во кој ги редите дрвата значи дека нема да дозволите некој план да ви се расипе поради комплексноста на неговата природа. Можеби работите на нешто што воопшто не е едноставно и луѓето постојано ве советуваат да се откажете пред да стане предоцна. Благодарение на упорноста нема да дозволите да ви пропадне трудот. Ќе докажете себеси и на другите дека вредело да се бориш за тоа.

Ако сонувате дека други редат дрва

Доколку во вашиот сон други луѓе редат дрва потсвеста ве предупредува да престанете да ги слушате другите луѓе и конечно да почнете да донесувате сопствени одлуки. Поголемиот дел од животот сте имале ментори кои ви говореле што треба да правите,  а што не.

Во детството тоа биле вашите родители, денес е партнерот или пријателите. Во секој случај никогаш не сте имале слобода да одлучувате што сакате да правите. Можеби понекогаш ви е полесно што немате никакви одговорности, но сигурно самите понекогаш посакувате да  сте победник или поразен, а не само нем набљудувач на својот живот.

Ако ложите дрва

 Овој сон укажува дека во блиска иднина ќе се ослободите од големи грижи. Веројтно ќе морате да вложите многу напор и трпение, но тоа сигурно ќе ви се исплати. Пред вас е еден многу поволен период кога е во прашање приватниот живот. Искористете го за максимално уживање, но и за правење планови за во иднина.

Ако сонувате дека други луѓе ложат дрва

Доколку во вашиот сон некои други луѓе ложат дрва, тоа е знак дека сте неорганизирани и мрзеливи. Сте дозволиле работата да се собира, па тогаш сте почнале да работите. Мислите дека имате доволно време, а кога ќе се приближат роковите се фаќате за глава, бидејќи не знаете како ќе постигнете да ги извршите сите обврски.

Ако сакате да постигнете успех во она што го работите, мора да научите како да го планирате своето време. Во ред е да оставите неколку дена во месецот за одмор, но не можете да очекувате добри резултати ако повеќе време поминувате седејќи и одморајќи отколку работејќи.  Можеби ви недостасува енергија или мотивација. Во тој случај верувајте дека дошло време да направите некои промени.

Ако сонувате дека продавате дрва

Ако сонувате дека продавате дрва тоа може да укажува на проблеми од правна природа. Можеби ќе имате некоја оставинска расправа која нема воопшто да биде пригодна. Секоја страна ќе го бара својот дел од нечиј имот, па ќе се најдете во центарот на семејниот скандал. Ако не ви е потребен тој имот, откажете се додека има време. Во спротивно ве очекуваат неколку мачни години поминати на суд во текот на кои ќе дознаете многу нешта што не ви се допаѓаат.

Ако сонувате дека купувате дрва

Кога на сон купувате дрва тоа е знак дека ќе станете жртва на озборувања. Можеби некои луѓе од вашето опкружување не се толку благонаклонети како што ви се чини. Не смеете на сите да им ги доверувате тајните, бидејќи некој може да ги искористи против вас.

Веројатно во вашето опкружување има некој кој е подготвен секоја ваша шега да ја протолкува на погрешен начин и истата да ја пренесе. Затоа не давајте повод и материјал за такво нешто.

Ако сонувате дека градите куќа од дрва

Ако на сон градите куќа од дрва тоа значи дека сте спремни да се жртвувате за да ги остварите вашите цели. Тоа подразбира недостаток на пари, слободно време или нешто друго што би ви причинило задоволство. Веројатно поради работа се откажувате од многу нешта, бидејќи верувате дека само така ќе им го обезбедите потребното на најблиските.

Ако сонувате дека други градат куќа од дрва

Овој сон е знак дека сте многу задоволни од вашиот живот. Ви се допаѓа начинот на кој сте донесувале одлуки до сега и се надевате дека ќе остане така и во иднина. Сите планови ги реализирате полека и стрпливо, па веројатно тоа е клучот до вашиот успех. Значењето на сонот може да биде поедноставно. Доколку пред скоро време сте цепеле дрва тоа сигурно ви оставило впечаток.

Дефиниција за дрва

Дрво е природен материјал.