Ако сонувате некој ваш должник тоа значи дека сте неискрена личност која си ги изневерува пријателите.

Што значи да сонувате должник?

Ако сретнете должник

Ако во вашиот сон сретнете должник, тоа имплицира дека не сте целосно искрени кон некој ваш пријател. Можеби сте, со најдобри намери, премолчеле сознание кое на вашиот пријател би можело тешко да му падне. Свесни сте дека сте погрешиле и поради тоа чувството на грижа постојано ве измачува.

Кога тој ќе ја дознае вистината, ќе ви биде многу лут и нема да може само така да помине преку таа ваша измама.

Ако вие сте должни некому

Кога сонувате дека вие некому сте должник, тоа укажува дека сте благодарни на личност која ви помогнала многу во животот. Веројатно сте биле изненадени кога некој кого многу слабо го познавате се понудил да ви направи услуга.

На почетокот сте сметале дека се работи само за празни зборови, но со оглед на тоа дека сте го добиле она што ви било потребно, сте почувствувале наплив на среќа бидејќи сè уште постојат добри луѓе, а вие познавате една таква личност.

Ако му простите на должникот

Ако сонувате дека сте му простиле на должникот тоа означува дека дефинитивно ќе се ослободите од стегите на минатото. Можеби ве повредиле луѓе од кои најмалку сте очекувале. Долго време сте страдале поради тоа, и раководени од лоши искуства, сте одлучиле никому повеќе да не му верувате.

Меѓутоа, ќе сфатите дека не можете така да продолжите да се однесувате и нема да сакате да ја загрозувате иднината која ви се насмевнува.

Ако сонувате дека некој ви го простил долгот

Доколку сонувате дека некој ви го простил долгот тоа значи дека повторно ќе се зближите со лицето со кое долго време не сте биле во контакт. Одамна сте ја прекинале комуникацијата од некои непознати причини. Тој/таа едноставно престанал да ви се јавува, па сте помислиле дека сте го разочарале на некој начин.

После некое време ќе ви стане сеедно и нема повеќе да се навраќате на тоа. Меѓутоа, кога повторно ќе се сретнете и двајцата ќе сфатите дека сте си недостасувале еден на друг и повторно ќе почнете да се гледате редовно.

Толкувањето на овој сон зависи и од тоа дали на сонот сте должни на личност која во стварноста ја познавате или не. Ако на сон ви должи пари некоја потполно непозната личност тоа значи дека сте наивни. Не знаете да процените кога некој ви посакува добро, а кога лошо. Имате доверба во луѓето и цврсто верувате дека се добри се додека не се докаже спротивното. Дури и да произлезе дека неговите/нејзините намери биле злобни, вие сте во состојба да пронајдете соодветно оправдување за неговото/нејзиното однесување.

Ако разговарате со должник

Ако сонувате дека разговарате со должник тоа имплицира дека ќе ве заболи некоја неправда. Со години наназад сте се труделе да бидете добар пријател, сопруг/сопруга, брат/сестра, зет/снаа, а не сте наидувале на иста доза на внимание и почит. Секогаш сте биле  на маргините на животот на блиските личности, па ќе сфатите дека не можете да покажете почит кон некого кој не ви возвраќа со иста мера. Тоа ќе ве натера да го промените односот кон луѓето за кои сметате дека не ве ценат онолку колку што вие ги цените нив.

Ако се расправате со должник

Кога во вашиот сон се расправате со некој должник тоа значи дека предолго време ги криете своите чувства, без разлика дали се позитивни или негативни. Се плашите од реакциите на луѓето ако им кажете како вистински се чувствувате и често се однесувате конформистички и не сакате да се издвојувате од масите.

Не ги коментирате негативните појави и не ги фалите позитивните се додека не бидете сигурни какво ќе биде мислењето на мнозинството за појавата. Затоа, од ден на ден се повеќе и повеќе си го губите идентитетот, а воопшто не сте свесни дека тоа не може да ви донесе ништо добро.

Ако го бркате должникот

Доколку на сон трчате за да го фатите должникот тоа имплицира дека сте се прецениле. Веројатно сте прифатиле некоја тешка и одговорна работа бидејќи сте сметале дека можете да ја завршите. Сепак, во еден момент ќе сфатите дека ви е потребна помош. Не двоумете се да прашате некого за услуга или совет, бидејќи постојат големи шанси дека нема да успеете да ја завршите работата на време.

Ако сонувате дека ве брка личност на која и должите пари

Овој сон значи дека ќе се најдете во друштво на личност која долго време ја избегнувате бидејќи сте и дале некакво ветување, а не сте го исполниле. Ќе ви биде срам да го погледнете во очи па да смислите некои изговори зошто не сте успеале да го направите договореното. Ова ви е поука да не давате никакви ветувања што не можете да ги исполните.

Ако се тепате со должникот

Сон во кој се тепате со должникот укажува на скриен бес. Можно е на јаве да сте се судриле со некого и не сте му рекле се што мислите. После сами сте се скарале со себе, па негативните чувства сте ги пренеле и на сон. Морате да научите да ја канализирате негативната енергија или едноставно да кажете што мислите во дадениот момент. Вака само си се измачувате себеси.

Ако убиете должник

Доколку сонувате дека сте убиле личност која нешто ви должела тоа значи дека не учите од сопствените грешки. Во состојба сте илјада пати да ја направите истата грешка, а од тоа да не извлечете никаква поука. Со оглед на животното искуство кое го имате, ваквото однесување навистина е необјасниво. Време е да се тргнете и да почнете да се однесувате поодговорно кон сопствениот живот.

Ако, пак, видите мртов должник тоа имплицира дека мора да се чувате од конкуренцијата. Можеби на работа имате некого кој го претендира вашето работно место. Веќе стекнал/ла доверба кај претпоставените, па прашање на време е кога ќе добие унапредување, а вие друго, а воедно и помалку платено работно место. Доколку сакате да не ве снајде истото, треба да преземете иницијатива, храброст и волја, па претпоставените ќе ве гледаат со други очи.

Ако сонувате дека должникот ви го вратил долгот

Толкувањето на овој сон зависи од тоа дали должникот е личност која ја познавате на јаве или не.  Доколку непозната личност ви го платила долгот тоа значи дека ќе решите некој голем проблем, со кој не сте сакале да се соочите. Ќе морате да донесете некои одлуки кои ќе ви го променат животот. Кога некоја личност на сон ќе ви го врати долгот тоа имплицира дека причината за вашата идна расправија ќе биде недостаток на пари или нерационално трошење на истите.

Можеби партнерот или некој член на семејството ќе даде огромна сума на пари за нешто што не ви е потребно. Ќе го сметате тоа за погрешна одлука и ќе се обидете да му/и докажете дека сте во право. Бидете внимателни и не дозволувајте тоа да премине во бурна расправија. Така нема ништо да постигнете. Потрудете се вашиот разговор да биде конструктивен.

Значењето на сонот може да биде многу поедноставно. Ако пред скоро време сте сретнале некого кој ви е должен, или вие сте му должни, тоа сигурно ви оставило силен впечаток врз потсвеста.

Дефиниција за должник

Должник е личност од која сте позајмиле пари или направиле услуга, а таа не ви вратила.