Ако ставате квасец: женење; истурено: сте ја пропуштиле приликата која нема да се повтори; просеано: среќа, радост.

Што значи да сонувате брашно?

Ако сонувате дека месите брашно

Кога во сон месите брашно, тоа значи дека наскоро ќе се венчате. Врската во која се наоѓате ќе заврши со брак на воодушевување на вашата околина. На многумина веднаш им било јасно дека вие и партнерот сте создадени еден за друг, па често ве наговараат да не одолговлекувате, туку што побрзо да се земете и да планирате семејство.

Вие сте одлучиле да го почекате вистинскиот момент и да бидете уверени дека сте го направиле вистинскиот избор.

Ако произведувате брашно

Успешно ќе надминете некои проблеми кои веќе подолго време ве мачат. Среќа. Добивка. Благосостојба.

Ако истурите брашно во сон

Ако сонувате дека сте истуриле брашно, тоа укажува на пропуштена прилика. Веројатно некој ви понудил работа која во почетокот не била доволно добра за вас. Меѓутоа, ќе сфатите дека сте погрешиле затоа што нема повторно да добиете таква понуда. На емотивен план можно е да не ја цените доволно личноста која секогаш ви била верна.

Ќе посакате да доживеете авантура и вашето внимание ќе го привлекуваат сите освен неа/него. Ќе сметате дека тој/таа секогаш ќе биде тука и дека ќе можете да се вратите кога другите ќе ве изневерат. Ќе се изненадите кога ќе видите дека таа личност се уморила и дека нашла некој кој ќе ѝ го пружи сето она што вие не сте ѝ го дале.

Ако сонувате дека просејувате брашно

Ако сонувате дека просејувате брашно, тоа симболизира радост. Среќата и мирот ќе завладеат во вашето семејство и домот. Ќе се поддржувате едни со други и ќе ги делите сите добри и лоши работи. Семејството ќе биде ваша потпора и мирно пристаниште во која секогаш ќе најдете утеха.

Ако некој истура брашно на вас во сон

Кога сонувате дека некој ви истура брашно тоа укажува на загуба. Можно е да имате дефект на автомобилот или на некој апарат за домаќинство кој ќе бара поголемо вложување. Со оглед на тоа дека таков трошок не сте пресметале во својот месечен буџет, поправка или купување на нов автомобил или апарат ќе мора да почека „подобри времиња“.

Ако во сон истурите брашно брз некого

Ако во сон вие врз некого истурите брашно, тоа значи дека залудно ќе се трудите околу некоја работа која нема да ја донесе посакуваната заработувачка.

Ако месите брашно

Доколку сонувате дека месите брашно, тоа значи дека ќе ви треба многу труд, работа и трпение за да дојдете до успехот кон кој тежнеете. На тој пат ќе има доста предизвици, но нема да ви недостасуваат волја и мотивација. Резултатите ќе бидат баш такви какви што сте очекувале. Со тоа на себе и на другите ќе им докажете дека е потребно да се верува во себе, во својата идеја и во способноста и дека тогаш сè е можно.

Ако купувате брашно

Кога во сон купувате брашно, тоа значи дека пред вас е еден многу турбулентен период, кој поради вашата подготвеност на сите предизвици нема да биде претерано тежок. Можеби ќе останете без работа, но ќе можете нормално да живеете затоа што сте заштедиле некои пари додека сте работеле.

Од друга страна, можно е едно време да живеете како потстанар додека не се завршат правни компликации околу вашиот имот, куќа или стан. Во секој случај подготвени влегувате во нови предизвици и не се плашите од она што допрва ве чека.

Ако продавате брашно

Ако сонувате дека продавате брашно, тоа значи дека во блиска иднина ќе се лишите од многу работи за да му помогнете на некој кој ви е многу драг. Веројатно член од семејството ќе ви признае дека е во голема финансиска криза, па ќе ја дадете цела своја заштеда за да му помогнете.

Тој период ни за вас нема да биде лесен затоа што ќе се плашите дека сте ја изгубиле сигурноста, затоа што сега се потпирате само на плата. Од друга страна, ќе бидете скоро сигурни дека заштедата нема да ви биде вратена.

Ако подарувате брашно

Доколку во сон некому подарувате брашно, тоа подразбира дека сте загрижени за здравјето на личноста која ја сакате. Можно е да чувствува некои симптоми, но не сака да посети лекар. Упорни сте во намерата да го/ја наговорите поодговорно да се однесува спрема себе, но тој/таа и понатаму одбива да ве послуша.

Со оглед на тоа дека се работи за возрасна личност, не можете да го/ја присилувате на ништо. Сте го направиле тоа што е во ваша моќ, сега е сè на него/нејзе.

Ако добиете брашно на подарок

Сонувањето дека некој ви подарил брашно значи дека ќе ве израдуваат некои ситници. Конечно ќе престанете да се грижите поради големи планови и ќе уживате во помали секојдневни успеси. Со тоа многу ќе си го олесните својот живот, ќе ја намалите количината на стрес и ќе се чувствувате позадоволно. Ваквото позитивно размислување сосема сигурно во иднина ќе ви донесе успех.

Ако богати сонуваат брашно

Ако богати сонуваат обично брашно, тоа симболизира среќа. Пред вас ќе биде многу успешен период во кој ќе ги остварите сите ваши цели. Ќе се трудите да поминете повеќе време со луѓе кои ви се драги затоа што сте свесни дека трупање  материјални работи, кои веќе ги имате, нема да ви донесе задоволство.

Ако сиромашни сонуваат брашно

Кога сиромашните сонуваат обично брашно, тоа означува подобрување. Трудот кој сте го вложиле во работата или образованието конечно ќе почне да се исплати. Полека, но сигурно, ќе правите чекори кон подобар квалитет на живот и ќе станувате сè поценети во друштво. Тоа ќе ви донесе многубројни познанства со влијателни луѓе кои ќе сакаат да соработуваат со вас и ќе придонесат кон вашиот пат до ѕвездите.

Ако правите леб од брашно

Сонувате дека подготвувате леб или нешто друго од брашно укажува дека сте преоптоварени со обврски. Веројатно работите или студирате, и при тоа, ги извршувате сите домашни работи. Дури и во сон размислувате за работите кои се на дневен ред. Членовите од семејството ќе очекуваат да им ги исполните сите желби, а нема да сфатат колку ви е потребна помош и подолг одмор.

Толкувањето на вакви соништа зависи и од типот на брашно кој го сонувате, т.е. од кој вид житни растенија е добиено.

Пченично брашно

Бело или црно пченично брашно симболизира среќа, напредок и благосостојба. Ако моментално сте во лоша материјална состојба, немојте да очајувате затоа што сте на добар пат тоа да се промени.

Пченкарно брашно

Пченкарното брашно во сон укажува на остварување желби. Конечно ќе постигнете нешто за што долго сте мечтаеле. Веројатно станува збор за купување недвижност, автомобил или некоја друга драгоценост. Дел од парите ќе ги заработите сами, а за другиот дел ќе се погрижат родителите и членовите на потесното семејство.

Ќе бидете пресреќни поради тоа што сонот ви се остварил. Не смеете да заборавите да се оддолжите на оние без кои тоа не било можно.

’Ржано брашно

Ако во сон видите ’ржано брашно, тоа значи дека се плашите од сиромаштија. Многу се трудите да заработувате доволно, за да ни вие ни вашето семејство не се лишите од ништо. Никако не можете да ги сфатите луѓето кои влегуваат во ризици и одбиваат понуди за работа затоа што нешто не им се допаѓа. Вие сте подготвени да работите и повеќе работи истовремено за да не се доведете во лоша позиција.

Брашно од јачмен

Кога сонувате брашно од јачмен тоа подразбира дека сте многу одговорни спрема своето здравје. Водите сметка за тоа што и кога јадете и се трудите што повеќе од своето време да го поминувате вежбајќи. Затоа се чувствувате добро во својата кожа и зрачите со позитивна енергија. 

Брашно од хељда

Доколку сонувате брашно од хељда, можно е да наследите имот или поголема сума на пари. Во иднина ќе имате оставинска расправа на суд во текот на која ќе дознаете дека подалечен роднина одлучил сè што има да ви го остави токму вам. Таа информација ќе ве изненади и ќе ве усреќи затоа што сте биле загрижени за материјалната сигурност на своето семејство.

Значењето на сонот може да биде поедноставно. Ако набргу сте меселе, сте истуриле или сте просеале брашно, тоа веројатно влијаело на вашиот сон.

Дефиниција за брашно

Брашното е производ кој се добива со ситнење, мелење и просејување на житарки.