Сите детали за операцијата „Лондонски мост“: Што ќе се случува по смртта на кралицата Елизабета во текот на 10-дневната жалост?

Трет ден

На третиот ден новиот крал Чарлс ќе тргне на турнеја низ Англија, која ќе почне со посета на Вестминстер Хол.

Потоа тој ќе го посети парламентот на Шкотска, а ќе има и меморијал во катедралата St. Giles.

Четврти ден

Од Шкотска, кралот Чарлс ќе се упати кон Северна Ирска, каде што членовите на парламентот ќе му го искажат нивното сочувство.

Оваа церемонија ќе се одржува во официјалната резиденција на монарсите во Северна Ирска – замокот Hillsborough.

Во Лондон, пак, ќе почне првата проба за пренесување на ковчегот на кралицата од Бакингемската палата до палатата Вестминстер. Оваа церемонија е позната како Operation Lion (операција лав).

Петти ден

Телото на кралицата ќе биде пренесено од Бакингемската палата до палатата Вестминстер, со голема воена парада.

За споредба, слична парада имаше по смртта на мајката на Елизабета, позната како кралицата мајка, во 2002 година, во која учествуваа 1.600 лица.

По парадата, во Вестминстер ќе има меморијална служба.

Шести до деветти ден

Телото на кралицата ќе биде во Вестминстер три дена. Овие три дена се познати како Operation Feather (операција пердув).

Овде јавноста ќе има можност да го види нејзиното тело и да оддаде почит.

Во меѓувреме, кралот Чарлс ќе оди во Велс каде што ќе го посети парламентот и ќе одржи служба во катедралата Llandaff во Кардиф.

Истовремено, почнуваат подготовките за погребот на кралицата кој ќе се одржи на 10-тиот ден од нејзината смрт.

Десетти ден

Кралицата ќе биде погребана десет дена по нејзината смрт, односно на 18-ти септември 2022 година.

Ова ќе биде национален дел на жалост, но сепак нема да биде прогласен за празник.

Телото на кралицата ќе биде преместено во црквата Вестминстер Аби, а потоа ќе има 2-минутен молк низ целата земја.

Со голема поворка, телото на кралицата ќе биде однесено во замокот Виндзор, каде што ќе ја чекаат другите членови на кралското семејство.

Телото ќе биде однесено во капелата Свети Ѓорѓи и кралицата ќе биде погребана до нејзиниот сопруг – принцот Филип.

Уште не е познато кога ќе биде крунисан принцот Чарлс, но неговата мајка беше крунисана околу 16 месеци по смртта на кралот Џорџ VI.

Спирова С. | Црнобело