„Бев во диско во Швајцарија каде се возат ролшуи - како си поминав?“
- Детали
- петок, 29 октомври 2021
„Ако некој ве поттурне, паѓате вие и 5 луѓе зад вас. Јас паднав 2 пати и вториот пат беше „кобен“ со оглед на тоа што паднав директно на десниот лакт...“, раскажува Јована Квржиќ, но ѝ вели дека имала најубав диско помин.
Кога ќе се спомене добар ноќен живот, сигурно Швајцарија не е првата земја што ви паѓа на ум.
Но, и српската блогерка за патувања Јована Кврижиќ мислела така, сè додека не посетила едно диско во оваа земја каде сите посетители биле на ролшуи на подиумот.
Вели дека таа ноќ се забавувала како никогаш претходно, но имала и незгода.
Искуството на Јована:
„Еден од најдобрите поминувања во животот ги имав во земја која претходно не ја поврзував нешто претерано со добар ноќен живот. И земја во која секојпат кога ќе се вратам откривам нешто ново и добро.
Најдобриот дел од последното патување во Швајцарија ми беше диско ноќта на ролшуи која се одржа во клубот X-TRA во Цирих.
Во цената за влез во клубот беше вклучено и изнајмувањето на ролшуите. Забавите се тематски, а оваа беше „неонска“ забава.
Е сега, не е сè во животот забава, па така спомен од овој предобар помин ми е скршениот лакт. Едноставно не е возможно барем еднаш да не паднете, затоа што подот е многу лизгав, а за мене ролшуите се многу понестабилни за возење од ролерките.
Ако некој ве поттурне, паѓате вие и 5 луѓе зад вас. Јас паднав 2 пати и вториот пат беше „кобен“ со оглед на тоа што паднав директно на десниот лакт.
Кога следниот ден појдов во итна помош и кога ме прашаа како сум паднала, само се насмеаја и ми рекоа дека не им е воопшто чудно. Кој знае колку луѓе им доаѓаат со скршеници или какви било повреди по диско со ролшуи.
Најсмешниот дел беше моето објаснување за осигурителната куќа и на нашите доктори кога стигнав во Србија, кога морав да им кажам како настанала повредата и кога на никој ништо не му беше јасно.
И без разлика на ова што ми се случи на мене, секому го препорачувам ова несекојдневно искуство, само се надевам дека ќе бидете поспретни од мене – личност од речиси 2 метри со две леви нозе.“
С. С. | Црнобело
Би можело да ве интересира:
Препорачуваме
Најчитани неделава
