Забава без маски на Скази во Тел Авив – Дали во Израел се враќа животот во нормала? (фото+видео)
- Детали
- понеделник, 05 април 2021
Додека светот сè уште се бори со пандемијата, во Израел животот по сè изгледа полека се враќа во нормала откако го вакцинираа најголемиот дел од населението. На социјалните мрежи израелскиот диџеј Скази објави видео и фотографии од забава на плажа во Тел Авив.
Израел е една од земјите каде вакцинирањето од Ковид-19 се одвива масовно. Како што објавува IsraelNews, повикувајќи се на информации од тамошното Министерство за здравство веќе половина од населението ја примило втората доза од вакцината, а околу 51,7 отсто ќе ја добијат втората доза во наредниот период.
Пресметано е дека околу 5,7 милиони луѓе веќе ја примиле вакцината, а околу 4,8 милиони треба да ја примат втората доза.
За враќањето на животот во нормала во Израел пишува и угледниот NewYork Times, каде се напоменува дека „зелената карта“ што им се дава на вакцинираните, им дозволува да одат на концерти, спортски настани и во ресторани.
Како што пишува весникот, на вакцинираните им се дозволува да закажат одмори, да се движат слободно, но сепак се наведува дека сè уште ништо не е сигурно за да може да се каже дека животот таму ќе се врати целосно во нормала, иако фотографиите покажуваат така.
Дали животот во Израел ќе се врати во нормала целосно во скоро време? Времето ќе покаже...
Б. С. Б. | Црнобело
Би можело да ве интересира:
Препорачуваме
Најчитани неделава
