Револтирана девојка ја критикува Ким Кардашијан – Како навистина изгледа долната облека од нејзиниот бренд?
- Детали
- среда, 03 февруари 2021
Една девојка платила 30-тина долари за мидер од брендот на Ким Кардашијан - Skims, но не била воопшто задоволна и решила да им покаже на следбениците на TikTok како навистина изгледа ова парче долна облека.
Ким Кардашијан редовно ја рекламира долната облека од нејзиниот бренд Skims, особено мидерите за кои вели дека ќе му дадат одличен облик на телото. Но сега, една тиктокерка вели дека мидерите на Ким се залудно фрлање пари.
„Дефинитивно ќе направат да се чувствувате лошо за себе бидејќи ако го купите мидерот со ваша големина, ќе ви биде мал“, тврди таа.
23-годишната Адрија објавила и видео на TikTok на кое го пробува мидерот што го порачала, а и самите ќе видите дека воопшто не си ја врши својата функција. Мидерот само ѝ ја стегнал половината и дефинитивно не ѝ го обликува телото како што тврдат рекламите на Ким.
„Ова видео е за Ким Кардашијан, и само за Ким Кардашијан. Здраво Кимберли. Што е ова? Мислев дека мидерот треба да ми даде облини, а не да ме направи како Вини Пу со многу мала долна облека“, вели девојката во видеото, кое досега има над 9 милиони прегледи.
Потоа девојката облекува шорцеви и маичка, и на шега вели:
„Па да, носам мидер. Зарем не забележавте?“
@adriabarich since no one said it: 〰️ #fyp #foryou #BoseAllOut #skims #shapewear #bodypositivity @skims @skimsbykimkardashian @kimkardashian.westt
♬ Rasputin (7" Version) - Boney M.
Многу корисници го споделиле и нивното искуство со долната облека на Ким во коментарите:
„Досега немам видено подобар опис за ова“.
„Потрошив буквално 500 долари за Skims долна облека и сите парчиња се распаднаа за еден месец“.
„И мене ми се случи истото! Кога одам целиот стомак ми излегува!“
Адрија вели дека е добро што Ким го нормализира носењето мидер, но смета дека фотките на сајтот на продавницата се нереални и дека воопшто не е точно дека можат да им стојат добро на сите.
Спирова С. | Црнобело
Би можело да ве интересира:
Препорачуваме
Најчитани неделава
