Кражба на Фејсбук профили

Детали

недела, 01 февруари 2009

Иако не е за верување, но сепак ова му се случило на еден човек од Англија. Неговата ќерка која што во моментот била уклучена на Фејсбук видела како...

 

...нејзиниот татко напишал на својот статус дека му е потребна итна помош.

Во продолжение пишувало дека човекот бил чуван како заложник и дека грабнувачите бараат одредена сума на пари.

Веднаш откако ова било објавено на неговиот профил, нивниот домашен телефон почнал да ѕвони, пријателите да се нудат на помош, за на крај сите да сфатат дека станува збор за една голема измама.

Како се случува ова?

Овој пример за хакнување на нечиј Фејсбук профил не е ниту прв ниту последен пред сé поради сигурносните пропусти на самиот Фејсбук. Постојат мал милион малициозни апликации кои ги крадат вашиот е-маил, лозинка и други чувствителни информации од вашиот профил.

Тие најчесто доаѓаат во вашите нотификации и изгледаат како некои интересни квизови, или пак ви велат дека некој ве сака, некој пријател ве бакнал или сл. Иако навистина постојат вакви апликации, голем дел од нив се направени да ви нанесат вам штета.

Затоа бидете исклучително внимателни и помалку љубопитни кога станува збор за Фејсбук апликации доколку не сакате истото што и на овој човек да ви се случи на вас.