Бизарна идеја: Картонски „луѓе“ седат во ресторан во Сиднеј за гостите да не се чувствуваат осамено

Детали

вторник, 19 мај 2020

И во Македонија наскоро се најавува отворање на кафулињата и рестораните со препораки за социјално дистанцирање. Но, ваква идеја? Не, благодариме!

Одењето во ресторан не се сведува само на храната, туку важна е и атмосферата.

Па, мртвата тишина и речиси празниот ресторан не се ничија замисла за добар помин. Можно е да се чувствувате дури некомфорно.

Социјалното дистанцирање ќе биде дел од нашата иднина, па рестораните почнаа да смислуваат трикови како гостите да не се чувствуваат осамено и непријатно.

Сепак, идејата на еден ресторан во Австралија дефинитивно ја прогласуваме за бизарна.

Сопствениците на ресторанот „Five Dock Dining“ во Сиднеј поставиле картонски „луѓе“ по масите за да им дадат простор за дистанцирање на гостите, но притоа тие да не се чувствуваат лошо во речиси празниот локал.

Инаку, во Австралија кафулињата и рестораните се отворија, но има многу строги ограничувања за бројот на гости.

С. С. | Црнобело