Ќе се ископува Галилео?

Детали

четврток, 22 јануари 2009

Италијански и британски научници бараат да се ископа телото на најпознатиот астроном од 16 век, Галилео Галилеј за да му се направи ДНК тест.

 

Овој тест би послужил за да се одреди дали можеби неговиот проблем со видот влијаел на некои од откритијата.

Поточно, научниците сметаат дека ДНК анализата ќе овозможи да се одговори на некои од нерешените прашања за здравјето на човекот познат како татко на астрономијата, кој бил осуден од Ватикан бидејќи ги учел луѓето дека Земјата се врти околу сонцето.

Галилео, кој живеел од 1564 до 1642, е познат по тоа што имал големи проблеми со видот во втората половина од неговиот живот, односно бил целосно слеп последните 2 години.

Една од “грешките” кои Галилео ги направил, која можеби е резултат на слабиот вид, е неговото тврдење дека Сатурн е планета со 2 сателити, што подоцна се испоставило дека е неточно. Сатурн е всушност гасна планета, како и Јупитер, Уран и Нептун.

Повеќе за Сатурн тука, а за Галилео тука.