Италијански град на духови: Чудно место кое се наоѓа на посебна листа

Детали

недела, 13 октомври 2019

Град сместен на карпа, стар стотици години, необичниот Крако ги привлекува патниците во потрага по места кои имаат специјална вибрација…

Се наоѓа на југот на Италија, а се нарекува италијански град на духови. Изграден е на карпа висока 400 метри, а со векови го издржал суровото време и болести. Но во раните 90-ти, од градот заминаа и последните жители.

И покрај тоа што во близина нема многу атракции, Крако е многу привлечен за туристите, како и за режисерите, кои бараат необични локации.

Малиот град е изграден на карпа за да се одбрани од непријателот, а неговиот впечатлив изглед дополнително го потенцира контрастот на ридестото опкружување.

Центарот на градот е изграден во највисокиот дел од градот. Судејќи според гробниците кои датираат од 8 век пред нашата ера, се верува дека во тоа време пристигнале првите жители - Грците кои се преселиле од малиот град Метапонто.

Во вековите што следувале, жителите се соочиле со многу катастрофи - од чума и разбојници до поплави и земјотреси. Но животот, од време на време, се враќа во градот.

Таму се одржуваат верските фестивали, а верниците ја посетуваат старата статуа на Дева Марија, како и прекрасните цркви.

Поради историското значење, Крако се наоѓа на листа на 100-те загрозени места на светското наследство на WMF (World Monuments Watch). Посетителите можат да го обиколат градот за време на тури, а влезот се наплаќа.

Ашера | Црнобело