Девојката со најдолги нозе во светот: „Ме споредуваат со чудовишта од хорор филмови, но сакам што сум уникатна“

Детали

петок, 05 април 2024

Мејси Курин е висока 208 сантиметри, а нејзините нозе се долги 1,3 метри. Таа вели дека го сака својот уникатен изглед, но се соочува со многу предизвици поради висината.

Мејси Курин од Остин, Тексас, веќе четири години го држи рекордот за жена со најдолги нозе во светот.

21-годишната девојка е висока 208,8 сантиметри, додека нејзините нозе се со должина од 1,3 метри.

Благодарение на рекордот и уникатниот изглед, Мејси е ѕвезда на Инстаграм каде што има над 65.000 следбеници.

На ТикТок, пак, ја следат над 24.000 корисници, а таа објавува видеа со кои покажува со какви предизвици се соочува.

Мејси вели дека ѝ се допаѓа што има уникатен изглед, но истакнува дека неретко добива злобни коментари онлајн.

„Ако некој ме навредува, тоа е бидејќи не ме разбира… Некои дури ме нарекуваат и суштество од хорор-филм, како Слендермен“.

Иако сега ги игнорира навредите, Мејси вели дека во детството сепак ѝ било тешко да ја прифати својата висина.

„Отсекогаш сум била повисока, уште во забавиште. Секогаш сум била една глава повисока од другите.

Еднаш, мислам дека бев второ одделение, некој ме праша дали сум средношколка бидејќи бев многу висока.

Тој период ја мразев мојата висина бидејќи децата често ме малтретираа. Но, сега знам дека никој друг не е како мене. Јас сум уникатна“.

Мејси вели дека сега чувствува одговорност да ги охрабрува другите високи жени да се сакаат и да се прифатат себеси.

Но, истакнува дека висината и долгите нозе си носат и свои предизвици.

„Треба да се наведнувам секогаш кога влегувам во некоја просторија!“

Младата девојка имала и љубовни проблеми и вели дека кога се гледа со некој, тој се срами да ја бакне во јавност бидејќи секогаш е повисока.

„Моментално не сум заинтересирана за состанување. Но, секојпат кога сум излегувала со мажи кои биле многу пониски од мене, не се чувствував пријатно, како да се срамеле од мене“.

Друг проблем за Мејси претставува и облеката.

„Навистина е тешко да си најдам облека. Најчесто купувам од American Tall (специјализирана продавница за облека за високи луѓе), но тие немаат долги панталони што ми се точни.

Морам да одам кај шивач, што ме чини околу 250 долари за еден пар фармерки. Но, јас немам многу пари, па имам само два пара фармерки што ми се точни“.

Иако се прослави благодарение на светскиот рекорд, Мејси вели дека тоа е титула што не ѝ е многу важна.

„Околу четири години го држам рекордот за жена со најдолги нозе. Но, тоа е титула што повеќе не ми значи ништо.

Тоа е нешто од минатото. Ако некој сака да ја преземе мојата титула, ќе бидам повеќе од среќна“.

Повеќе фотки од Мејси на следната страница...