6 навидум безопасни работи кои полека, но сигурно ја уништуваат нашата планета

Детали

среда, 10 април 2019

Во последните неколку декади проблемот со загадувањето на планетата Земја стана навистина сериозен и загрижувачки.

Очајно е потребно да се работи на еколошката свест на луѓето, а за сам старт, укажуваме на 6 навидум безопасни навики кои сериозно ја загадуваат околината.

1. Кога испуштаме хартиени свеќници во воздухот

За среќа, фестивалот во Кина на кој масовно се испуштаат хартиени свеќници во воздухот ја губи својата популарност, поради ризикот од несакани пожари.

2. Кога оставаме плишани играчки во знак на жалост

За жал, многу луѓе ширум светот решаваат трагедиите да ги одбележат со оставање на плишана играчка во чест и знак на жалење кон лицето кое починало.

Но, логичното прашање е – каде завршуваат сите тие играчки? Иако пологично би било да се подарат на дечињата по домовите за згрижување, сепак играчките завршуваат во отпад.

3. Кога користиме премногу материјал за пакување

Изминативе неколку години навистина сите претеруваме со виткањето на храната, подароците, предметите кои секојдневно ги носиме со нас...

Како резултат на тоа се создаваат тони дополнителен отпад на годишно ниво, најчесто од пластични кеси, фолии, хартии...

4. Кога купуваме работи кои не ни требаат

Лошата страна на минливите трендови е што по неколку месеци фама околу нив, се претвораат во ѓубре кое само ни го зазема и загадува просторот.

5. Кога купуваме нова технологија

Не велиме дека треба да стоите во место кога се работи за технологијата, но самото тоа што смартфоните се менуваат на секоја година до две, се создава залиха од пластични геџети и додатоци кои многу брзо стануваат бескорисни.

6. Кога испуштаме балони

Испуштањето на балони во воздухот во многу земји се поврзува со разни традиции и празници, без луѓето да размислат на последиците.

Моментално изгледа прекрасно и шарено, но по неколку часови и денови балоните не стануваат ништо друго освен загадувачи на околината.

М. Д. | Црнобело