96-годишна баба која го преживеала Холокаустот, денес пее во дет метал бенд

Детали

четврток, 24 јануари 2019

Inge Ginsberg е 96-годишен поет од Австрија која очигледно ништо не може да ја запре, го преживеала Холокаустот, а денес е главна пејачка во дет метал бенд.

Дококлу ви е потребна инспирација за тоа дека никогаш не е доцна да ги остварите соништата и да успеете, оваа баба е вистински пример за тоа.

Таа е Еврејка од Австрија, која заедно со семејството успеала да побегне од војната и Нацистите, а неколку години по војната, заедно со нејзиниот прв сопруг, музичкиот композитор Ото Колман, се преселила во Лос Анџелес.

Парот работел во Холивуд и композирале песни за ѕвезди како Дин Мартин, но во ’50-ите години, ѝ се смачило од тој вештачки холивудски живот и се разделила од Лос Анџелес и од сопругот со кој има една ќерка.

Инге е жена која во животот најмногу ја цени слободата и не жали за ништо, па го прави она што го сака и на 96 години.

Пред три години, благодарение на нејзините пријатели, таа почнала да ги пренесува нејзините поеми со дет метал мелодии кои ја пратат.

96-годишната баба сама ги пишува текстовите, а главни теми ѝ се хуманост, околина, љубов и омраза.

На прашањето зошто баш дет метал, таа одговара: „Не знам да пеам, па хеви металот ми одговара зошто само треба да кажувам зборови, а стара жена која пее хеви метал е уникатност.“

Како изгледа и звучи кога 96-годишна баба пее во метал бенд:

Извор