Уметничкото дело „Големиот бран“ осамна на комплекс згради во Москва

Детали

сабота, 22 декември 2018

„Големиот бран“ на Хокусаи е едно од најзначајните дела во историјата на уметноста во Јапонија, но и во целиот свет. Сега негова реплика може да се види и во Русија.

Во Москва се гради комплексот наречен „Градот Еталон“, кој плени со современа архитектура, дополнет со уметнички дела на фасадите.

Предните згради се „украсени“ токму со уметничкото дело „Големиот бран“, правејќи интересен колаж, кој луѓето може најдобро да го видат додека возат по најблискиот пат.

Овој комплекс се наоѓа во југозападниот дел на Москва. Зградите се комбинација од комерцијална и социјалистичка инфраструктура.

Главниот комплекс е украсен со „Големиот бран“, додека споредните згради на фасадата имаат мотиви од најголемите светски метрополи, како Барселона, Њујорк, Монако и Чикаго.

Зградите се сместени во шума, но се лесно пристапни поради автопатот, блиското метро и автобуските постојки.

Е. Д. | Црнобело