Меган е несигурна, Трамп е моќен алфа маж: Какви тајни открива потписот на познатите за нив?

Детали

сабота, 21 јули 2018

Неодамна имавме можност да ги откриеме најоригиналните автограми на познатите, но дали некогаш сте се запрашале што кријат тие?

Како и многу други работи, така и ракописот открива многу за личноста и карактерот.

Па така, експертите решиле да ги анализираат потписите на некои од познатите личности и да откријат какви тајни се кријат зад нив.

Погледнете колку многу открива потписот за овие 5 познати личности: 

Меган Маркл

Ова е стилски ракопис на жена која е добра во создавање фасада и на која изгледот ѝ е многу важен. Малите детали, како на пример завртокот на почетокот на буквата М, откриваат дека таа е многу посветена и не се откажува додека не се задоволи со целта. Сака убави работи во животот и има само-дисциплина. Нема ништо да остави на случајноста и има многу високи стандарди за да биде одобрена од општеството. Малите заоблени букви пак во средината укажуваат на изненадувачки недостаток на самодоверба. Сепак,  ова е романтична, страствена и посветена жена.

Адел

Потписот открива жена која има високи цели и го достигнува врвот, како и жена со бујна имагинација што ја надополнува нејзината амбиција за величественост. Спојот на мали и големи букви покажува колку е смирена и скромна, како и дека ѝ е важно да се приврзе со публиката, а срцето е симбол за романса кој укажува на слатка, емотивна и природна личност која сонува за љубов.

Марк Закерберг

Основачот на Фејсбук има многу оригинален потпис кој повеќе наликува на математичко равенство, што значи дека и неговиот начин на размислување е оригинален. Почетокот на неговиот потпис покажува дека тој е човек на кој му треба подбутнување на почетокот пред тој да се покаже на дело. Емоциите му се повеќе контролирани отколку почувствувани, иако постојат знаци на анксиозност и загриженост. Долните големи завршетоци на буквите покажуваат дека е човек кој може лесно да ги контролира и да се справува со луѓето, како и дека е зависен од богатство.

Доналд Трамп

Ова е потпис на алфа маж свесен за сопствената моќ. Непропорционалните големи букви ја откриваат неговата гордост, а аголните завршетоци на буквите „D“ укажуваат на неговата дива амбиција, динамичност и бестрашност. Еднаквоста и регуларноста во потписот покажува дека е човек кој сака да се соочува со факти, па иако има недостаток на емпатија, тој е некој кој има потреба и бара практични решенија на практични проблеми.

Ема Вотсон

Актерката има две мали точки на крајот од внимателно конструираниот потпис. Тоа укажува на компулсивно однесување, вклучувајќи анксиозност и труд, како и темелност. Опседната е со контрола и се става себеси под притисок и стрес при настапувањето на платно или зад сцената. Цик-цак линиите пак откриваат дека сака да биде забележана и се фокусира на тоа. Иако однадвор изгледа полна со самодоверба, крајот на потписот открива дека не секогаш верува во сопствените способности.   

М. М. | Црнобело