5 необични велигденски традиции низ светот

Детали

сабота, 19 април 2014

Светот на најразличен начин го прославува велигденскиот празник. Па така некои народи на овој ден ги прават познатите летала-„змејови”,се сладат со чоколадни зајачиња или играат разни игри.

За сите љубопитни кои сакаат да дознаат нешто повеќе издвоивме 5 најнеобични традиции на прославување на Велигден:

1. Бермуда - Во оваа земја луѓето прават шарени летала-„змејови” во чест на денот„Добриот Петок”. Оваа традиција го опишува вознесението на богот кон небото.

2. Норвешка - Имаат доста интересна традиција која популарно се нарекува „Криминалистички Велигден”. Норвежаните на овој ден читаат книги поврзани со мистерии или гледаат криминалистички телевизиски серии.

3. Северозападна Европа - Во чест на овој празник се палат велигденски огнови со цел заедницата да се собере на едно место. Во минатото, се сметало дека со палењето на овој оган се бркала зимата,односно темнината.

4. Шведска - Во недела децата се облекуваат како велигденски вештерки и одат од куќа во куќа собирајќи чоколади. Во домовите, Велигден се дочекува со богата трпеза која вклучува и јајца подготвени на различни начини.

5. Хаити - Велигден се обележува традиционално со жртвување на животни,удирање тапани надополнети со извици. Во Хаити се прави спој на католичката и вуду традицијата.

Доколку знаете и вие некоја интересна традициција поврзана со Велигден, споделете ја со нас.