Примамлива понуда за пушачи

Детали

вторник, 30 јуни 2009

Добротворното друштво од Ријад (Саудиска Арабија) претстави примамлива понуда за неоженети мажи. Имено, доколку се откажат од пушењето, ова здружение...

 

... ќе им овозможи венчавка на нивна сметка!

Како што пренесува BBC, оваа иницијатива привлекла многу луѓе до сега, а во оваа акција се приклучија и неколку непушачи кои со оваа навика почнале само за да можат да се откажат и да се пријават за бесплатно венчавање.

Кампањата под слоганот "Престанувањето со пушење на ваш, а венчавањето на наш трошок", стана многу привлечна бидејки во Арабија обичај е трошоците за свадба да ги покрие младоженецот.

Од друштвото потенцираат дека секој пушач што е вклучен во програмата, ќе мора најпрво да пројде низ 7-дневен третман за одвикнување од пушење.

Победникот и добитникот на главната награда ќе биде прогласен на 6ти август, а уште 20 кандидати ќе бидат наградени со опремување на становите.

Во Саудиска Арабија повеќе од една четвртина се пушачи.