Берлускони нема гајле!

Детали

сабота, 06 јуни 2009

Италијанскиот премиер Силвио Берлускони тврди дека денес нема причина да се плаши, откако во јавноста излегоа фотографиите со топлес жени...

... на забавата во неговата вила.

Против Берлускони пред 2 дена е покрената истрага поради наводната злоупотреба на службениот авион за превоз на гости, вклучувајќи и еден играч на фламенго и познат пеач.


На фотографиите се гледаат голи жени и еден потполно гол маж покрај базенот во вилата на италијанскиот премиер.

Берлускони, кој веќе е вплеткан во скандал откако неговата жена поднесе барање за развод поради неговите наводни врски со малолетнички, изјавил дека фотографиите се "невини".

"Не се плашам. Тоа се невини фотографии, тука нема скандал, но има агресивно кршење на мојата приватност", изјавил премиерот за италијанското радио.

Тој додал дека на фотографиите може да се видат луѓе како се бањаат во приватна вила, по завршетокот на забавата на која била повикани.

Медиумите објавија само 5 фотографии од колекцијата на неколку стотици снимки кои од неодамна ги наполнија италијанските весници.

Лицата на личностите на снимките се замаглени.