Холандија увезува затвореници

Детали

вторник, 02 јуни 2009

Ете кон што води декримин-ализацијата на марихуаната. Уште во 90-тите Холандија имала проблем со недостиг на места во затворите, но од тогаш...

 

...криминалот толку е намален што осудени има се помалку и помалку и во затворите се појавуваат вишак места.

Затворите во Холандија можат да примат 14000 лица, а државата моментално има 12000 робијаши. Заради ова властите велат дека ќе треба да се затворат 8 затвори што би довело до гасење на 1200 работни места.

Засега не се планирани отпуштања, но намалувањето на работната сила ќе си дојде како резултат на природна селекција.

Како привремена мерка Холанѓаните планираат и увоз на робијаши од соседна Белгија која сеуште има недостиг на простор во сопствените затвори.

Во затворот Тилбург до 2010 треба да се преместат 500 белгиски затвореници, со што Холанѓаните ќе заработат околу 30 милиони евра.

Благодарејќи на овој увоз на криминалци затворите во Ротердам и неколку други градови нема да бидат затворени до 2012. Затворот во Хаг засега е доволно пополнет...