„Свршеникот ме изневери пред свадбата, па си направив забава за да ја прославам слободата“

Детали

вторник, 27 август 2024

Линдзи Слејтер (31) од Велика Британија доживеала непријатно изненадување по 12 години љубов, но тоа не ја спречило и да прослави и да го искористи аранжманот за меден месец.

Линдзи Слејтер (31) од Велика Британија 6 седмици пред свадбата дознала дека свршеникот ја изневерува, па наместо да ја откаже свадбената церемонија, во која вложила многу пари, време и нерви, одлучила да ја одржи забавата, но овојпат наместо стапувањето во брак да си ја прослави слободата.

Со 70 членови на семејството и пријатели, како и венчаница од 1.400 евра Линдзи славела цела ноќ.

Интересно е што не дозволила да ѝ пропадне ниту медениот месец, па на уплатеното патување на грчкиот остров Крит отишла со свој пријател.

Линдзи со партнерот била заедно 12 години и вели дека, како таа, така и сите други биле шокирани од неговото однесување.

„За среќа, бев опкружена со многу љубов по неговото неверство и семејството и пријателите ме потсетија дека тој не ми е потребен за да бидам среќна.

Па, така одлучив денот на кој требаше да биде свадбата да го славам, наместо да плачам дома“, изјави таа за магазинот „Sun“.

С. С. | Црнобело