Адвокатка од САД руши предрасуди: „На работа носам розова облека и канцеларијата ми е розова“

Детали

понеделник, 08 јули 2024

Розови костими, розов автомобил и розова канцеларија – Кејтлин (33) од САД сака да покаже дека само затоа што сака да се дотерува и розовата ѝ е омилена боја, не значи дека не е добар адвокат. Напротив, таа има своја адвокатска фирма, а на социјалните мрежи редовно споделува и правни совети за доселеници.

Кога помислуваме на професијата адвокат, обично замислуваме жена или маж во (црн) костум.

Ако, пак, влезете во адвокатска канцеларија, сигурно не очекувате да видите розов мебел или нешто слично.

Но, ако го видите токму тоа, веројатно не би го сфатите адвокатот премногу сериозно.

Кејтлин Мартинез од САД сака да го промени ова мислење на јавноста.

Таа руши стереотипи и вели дека целта ѝ е луѓето да сфатат дека без разлика каков моден стил има една жена, таа може да биде успешна адвокатка (или успешна во која било друга професија).

Инспирирана од култниот Legally Blonde, во гардероберот на Кејтлин доминира розовата боја, а истото важи и за нејзината канцеларија.

33-годишната адвокатка има и розов автомобил.

Кејтлин има своја адвокатска фирма, а најчесто застапува доселеници.

На Инстаграм ја следат 618.000 корисници, додека на ТикТок – 1,5 милиони.

Кејтлин вели дека кога дипломирала во 2017 година и ја добила првата работа, шефот ѝ рекол дека не може да носи светли бои во канцеларија. Притоа, не ѝ дозволувал да работи ништо друго, освен да му први кафе.

„Во адвокатската фирма каде што работев, шефот постојано коментираше за мојот изглед.

Еднаш носев зелен фустан и ми рече дека не може да одам на суд ако не облечам ’попристојна' боја. Јас сепак отидов со зелениот фустан, а дури добив и комплимент од судијката!

Мојата професија е стресна, па модниот стил ми помага повеќе да си ја сакам работата“, вели таа.

Ова ја мотивирало да отвори своја фирма, а голем дел од нејзините вработени се жени.

„Шефот ме отпушти бидејќи не сум се вклопувала со конзервативната фирма и бидејќи не сакав да му правам кафе.

Па, отворив моја фирма и моите вработени можат да носат што сакаат.

Најсмешно е што неодамна поранешниот шеф аплицира кај мене за работа бидејќи ги изгуби сите клиенти“.

Кејтлин стана инспирација за девојките кои ја следат, а доста често дава и правни совети за доселеници на социјалните мрежи.

Во коментари, многу девојки и млади жени ѝ велат дека благодарение на неа се охрабриле да ги следат своите соништа.

Повеќе фотки од Кејтлин на следната страница...