Џулијан Асанж е слободен човек - По 12 години правна битка и 2 деца добиени во заробеништво

Детали

вторник, 25 јуни 2024

„Џулијан Асанж е слободен човек“ - ова се насловите во светските медиуми, откако основачот на Викиликс, по 12 години правна борба, конечно успеа да се избори за сопствената слобода. По повеќе од една деценија, Асанж конечно ќе може да се врати во родната Австралија.

Основачот на Викиликс, Џулијан Асанж (52) по петте години поминати во затвор и 12 години правна битка, конечно беше ослободен во понеделникот (24.06.2024).

Според извештаите во светските медиуми Асанж постигнал договор со властите во САД за обвиненијата за шпионажа и конечно беше ослободен од затвор, па ќе може да се врати дома во родната Австралија.

JULIAN ASSANGE IS FREE pic.twitter.com/z63hI2WnuV

— Free Assange - #FreeAssange (@FreeAssangeNews) June 24, 2024

Асанж беше снимен како се качува во авион со кој ќе стигне во Тајланд. Тој бил ослободен од затворот Белмарш во Лондон, каде ги помина последните пет години, по што го пренеле на аеродром.

Wikileaks founder Julian Assange is finally free. He was released from prison today after agreeing to a plea deal with the U.S. Here he is seen boarding an airplane to depart the UK. pic.twitter.com/DenjxEriq8

— WorldNetDaily (@worldnetdaily) June 25, 2024

Во затворот тој поминувал по 23 часа дневно изолиран, во самица.

За конечно да биде ослободен, тој постигнал договор со властите во САД да се изјасни виновен само за едно обвинение за шпионажа.

А ослободителната пресуда најверојатно ќе ја добие од судот на малиот остров Саипан сместен во Тихиот Океан, кој е под управување на властите во САД.

Неговата сопруга Стела Асанж, со која се венча во 2021-ва година додека беше во затвор, објави претходно снимена видеопорака, во која нагласи дека на 19-ти јуни годинава навршиле точно 12 години од денот кога Асанж влезе во амбасадата на Еквадор, каде доби политички азил.

„Сега по 12 години го посетувам Џулијан во затвор со високо обезбедување, но уверена сум дека на овој период во нашите животи му дојде крајот и мислам дека следната недела Џулијан ќе биде слободен“ – вели Стела во видеото.

За потсетување, Џулијан Асанж се соочуваше со обвиненија за шпионажа и беше прогонуван од 2010-тата година кога неговата страница Викиликс објави стотици илјади доверливи документи за војните на САД во Авганистан и Ирак.

Прочитајте и Се гледале тајно во шатори, добија дозвола да се венчаат во затвор - Факти за цврстата љубов на Џулијан Асанж и Стела Морис

Продолжува на следната страница...