Беше само 1 година постара од зетот - Што знаеме за мајката на Меланија Трамп која почина на 78 години?

Детали

среда, 10 јануари 2024

Мајката на Меланија Трамп почина на возраст од 78 години. Што знаеме за жената која има потекло од Словенија, а беше само 1 година постара од зетот Доналд Трамп?

Поранешната прва дама на САД, Меланија Трамп соопшти дека нејзината мајка Амалија Кнавс починала на возраст од 78 години.

Меланија во вторникот (09.01) на својот Твитер профил ги соопшти тажните вести, па напиша:

„Со длабока тага објавувам дека мојата драга мајка Амалија почина. Таа беше целосно посветена на сопругот, ќерките, внукот и нејзиниот зет. Неизмерно ќе ни недостасува и ќе продолжиме да го почитуваме нејзиното дело“.

Познато е дека мајката на Меланија, во периодот пред смртта, живеела заедно со сопругот и ќерката на имотот на нејзиниот зет „Мар а лаго“. Нејзината здравствена состојба била влошена, па затоа Меланија празниците ги поминала заедно со неа во болница.

Што знаеме за Амелија Кнавс, мајката на Меланија?

Амалија, исто како и таткото на Меланија, Виктор, потекнува од словенечкото гратче Севница кое се наоѓа на околу 1 час возење од Љубљана.

Амалија и Виктор се запознале во 1967-ма година, додека таа работела во текстилна фабрика за детска облека и на почетокот живееле во двособен стан во Севница. Виктор во овој период бил возач на градоначалникот.

Нивната финансиска состојба значително се подобрила откако Виктор почнал да работи како патувачки трговец за продажба на автомобили.

Познато е дека тие поседувале своја колекција автомобили, а Амалија секогаш била дотерана и уредна.

Продолжува на следната страница...